Myanda Itala Bupempudi
Le mfwaninwe kukwatyila kyaba kumeso kwa kukapempula? En-en. Tusakanga beni beya kupempula bakwatyile kyaba kumeso kwa abo kwiya, bekale batyetye nansha bavule. Mwanda kino kitukwashanga beni baleke kwituvula kadi muntu ne muntu umwenanga mu bupempudi.
Shi nkyadipo nkwatyīle difuku dya kupempula, le babwanya kuntweja? Kyaba kimo ketubwanyapo kukutweja shi kwadipo mukwatyile difuku. Mungya bukatampe bwa kifuko, twikalanga kala na kibalwa kitungwe kya bantu ba kwiya kupempula difuku ne difuku.
Le mfwaninwe kufika nsá’ka difuku dyami dya kupempula? Kutyina bantu baketuvudila, tukulomba uleke kufika shi kukidi nsá mutuntulu ne kupita.
Le bakwatyilanga namani difuku dya kwiya kupempula? Shi bantu bomukimba kwiya kupempula nabo badi munshi mwa 20, nabya finya palembelwe amba “Kwatyila Kyaba—Bantu Batyetye Munshi Mwa 20.” Ino shi i bavule, nabya finya palembelwe amba “Kwatyila Kyaba—Bantu 20 Nansha Kupita pa 20.”
Le mbwanya kushinta nansha kubula difuku dyonakwatyīle? En-en. Finya palembelwe amba “Tala Byowakwatyīle Nansha Kwibishinta.”
Le i bika byombwanya kulonga shi kekudipo bupempudi mu mafuku onadi nsaka? Abe endelela na kukimba pa site. Mwanda kyaba kya kupempula kikalanga’ko shi kudi muntu washinta nansha kubula difuku dyawadi ukwatyīle.
Le mbwanya kwiya’ko na wami nyema wa kukaya nandi? Aa. I bipelejibwe kwiya ku Betele na obe nyema wa kukaya nandi; inoko, banyema bafundijibwe kulongela muntu bintu byakabwanyapo kwilongela, i betabijibwe kwiya nabo.
Kwatyila Kyaba—Fewer than 20 people
Kwatyila Kyaba—20 People or More
Tala Nansha Kushinta Kyaba
Tentula papye wa bupempudi
Bintu bya Kubandilwa
Kwāikala Kitōkeji—Mānga ya Bible mu Kialema. Mu ino mizé, usa kumona’mo Mabible a mvubu bininge ke masakane alupwilwe mu myaka yadi ikishilulwashilulwa kutampwa Bible. Bino bintu bisa kubandilwa bisa kulombola mānga ne lupusa lwadi na Bible wa mu Kialema, muswelo dibuku kedyadipo dibwanya kwikala na bantu bavule modyaalamukile ke dibajinji ku kwabanibwa ku bantu ntanda Yonso.
Kebadipo Bunka—Kupangwapangwa kwa Batumoni ba Yehova mu Kisoshaliste kya Muzo. Le i bika byakweshe kakisumpi katyetye’tu ka bantu kashale kashā kalamete ku misoñanya ya mu Bible nansha byobadi bebapangapanga bya malwa? Bandila wimwene abe mwine bino bintu.
Kutundulula Ngulu—Bintu bya Kubandilwa ku Betele. Mu bino bintu bya kubandilwa usa kumona’mo amba ino Betele yetu ke kitampilopo’tu bitupu nansha kifuko kya mabilobilo. I kifuko kya lwitabijo.—lwitabijo kukomo lubwanya’nka ne kutundulula ngulu.
Adelese ne Nimelo ya Telefone
Am Steinfels 1
65618 SELTERS (TAUNUS)
DEUTSCHLAND – GERMANY
+49 6483 41 0
Kuyuka kwa Kwenda
