ຊີວິດຄລິດສະຕຽນ
ປັບປຸງຄວາມສາມາດໃນວຽກຮັບໃຊ້ຂອງເຮົາໃຫ້ດີຂຶ້ນ—ການຂຽນຈົດໝາຍທີ່ດີ
ເປັນຫຍັງຈຶ່ງສຳຄັນ: ພະທຳ 1 ໂກລິນໂທເປັນໜຶ່ງໃນຈົດໝາຍ 14 ສະບັບທີ່ອັກຄະສາວົກໂປໂລຂຽນເພື່ອໃຫ້ກຳລັງໃຈພີ່ນ້ອງຄລິດສະຕຽນ. ເມື່ອຄົນໃດຄົນໜຶ່ງຂຽນຈົດໝາຍ ລາວຈະມີເວລາເລືອກຄຳເວົ້າທີ່ດີ ແລະຜູ້ຮັບຈະອ່ານຊ້ຳໄປຊ້ຳມາໄດ້. ຈົດໝາຍເປັນວິທີທີ່ດີທີ່ຈະປະກາດກັບພີ່ນ້ອງແລະໝູ່ເພື່ອນ. ນອກຈາກນັ້ນ ມັນຍັງໃຊ້ໄດ້ຜົນເມື່ອປະກາດກັບຄົນທີ່ເຮົາບໍ່ສາມາດເວົ້ານຳໂດຍກົງ. ຕົວຢ່າງ: ບາງຄົນທີ່ສົນໃຈຂ່າວດີແຕ່ເຮົາບໍ່ຄ່ອຍເຈິຢູ່ບ້ານ. ໃນເຂດບາງບ່ອນທີ່ເຮົາປະກາດອາດເຂົ້າເຖິງໄດ້ຍາກເຊັ່ນ ຢູ່ຕຶກຫຼືອາພາດເມັ້ນທີ່ມີລະບົບຄວາມປອດໄພສູງ, ບ້ານຈັດສັນທີ່ເຂົ້າໄປຍາກ ຫຼືເຂດຫ່າງໄກສອກຫຼີກ. ມີສິ່ງໃດແດ່ທີ່ເຮົາຄວນຄຳນຶງເຖິງເມື່ອຂຽນຈົດໝາຍໂດຍສະເພາະຂຽນຫາຄົນແປກໜ້າ?
ສິ່ງທີ່ຄວນເຮັດ:
-
ຂຽນສິ່ງທີ່ເຈົ້າຢາກເວົ້າກັບລາວ. ທຳອິດແນະນຳຕົວເອງກ່ອນ ແລະບອກເຫດຜົນວ່າເປັນຫຍັງຈຶ່ງຂຽນຫາລາວ. ອາດຈະຕັ້ງຄຳຖາມທີ່ກະຕຸ້ນຄວາມຄິດ ແລະບອກລາວໃຫ້ເຂົ້າໄປເບິ່ງເວັບໄຊຂອງເຮົາ. ຈາກນັ້ນ ບອກລາວໃຫ້ຮູ້ວ່າມີຫຼັກສູດການສຶກສາຄຳພີໄບເບິນທາງອອນລາຍ (ຍັງບໍ່ມີໃນພາສາລາວ), ອະທິບາຍກ່ຽວກັບການສຶກສາຄຳພີໄບເບິນຢູ່ເຮືອນ ຫຼືເວົ້າເຖິງບາງຫົວຂໍ້ຈາກຄູ່ມືການສຶກສາຂອງເຮົາ. ແນບສິ່ງພິມເຊັ່ນ: ນາມບັດ ໃບເຊີນ ຫຼືແຜ່ນພັບໃສ່ກັບຈົດໝາຍ.
-
ຂຽນສັ້ນໆ. ເນື້ອໃນຈົດໝາຍບໍ່ຄວນຍາວເກີນໄປຈົນຜູ້ອ່ານຮູ້ສຶກເບື່ອ—ເບິ່ງຕົວຢ່າງຈົດໝາຍ
-
ກວດເບິ່ງຄຳຜິດ ຂຽນໃຫ້ອ່ານງ່າຍ ຮູ້ສຶກເປັນມິດ ສຸພາບອ່ອນໂຍນ ແລະເວົ້າໃນແງ່ບວກ. ຢ່າລືມຕິດສະແຕັມເທິງຊອງຈົດໝາຍໃຫ້ຄົບ.
