ເຄັດລັບການຄົ້ນຄວ້າ
ເຈົ້າມັກອ່ານເລື່ອງຊີວິດຈິງຂອງພີ່ນ້ອງບໍ?
ພີ່ນ້ອງຄູ່ໜຶ່ງທີ່ມັກອ່ານເລື່ອງຊີວິດຈິງທຸກໆຕອນເຊົ້າມື້ລະໜຶ່ງເລື່ອງ ບອກວ່າ: “ການອ່ານເລື່ອງຊີວິດຈິງເຮັດໃຫ້ເຮົາມີກຳລັງໃຈແລະມີຄວາມສຸກຫຼາຍແທ້ໆ! ເລື່ອງເຫຼົ່ານັ້ນເຮັດໃຫ້ຮູ້ວ່າເຮົາສາມາດຮັກສາຄວາມສັດຊື່ໄດ້ບໍ່ວ່າສະພາບການຈະເປັນແນວໃດກໍຕາມ.” ພີ່ນ້ອງຍິງຄົນໜຶ່ງກໍຮູ້ສຶກຄ້າຍໆກັນ ລາວບອກວ່າ: “ເລື່ອງຊີວິດຈິງຂອງພີ່ນ້ອງເຮັດໃຫ້ຂ້ອຍໄດ້ຮັບກຳລັງໃຈແລະຮູ້ສຶກອົບອຸ່ນໃຈຫຼາຍ. ພີ່ນ້ອງເຫຼົ່ານັ້ນຮັບໃຊ້ພະເຈົ້າຢ່າງເຕັມທີແລະໃຊ້ຊີວິດຄຸ້ມຄ່າແທ້ໆນີ້ຈຶ່ງເຮັດໃຫ້ຂ້ອຍຢາກເຮັດວຽກຮັບໃຊ້ຫຼາຍຂຶ້ນແລະຊ່ວຍຂ້ອຍໃຫ້ສະໜັບສະໜູນລູກທີ່ຈະຮັບໃຊ້ເຕັມເວລານຳ.”
ເລື່ອງຊີວິດຈິງຂອງພີ່ນ້ອງເຫຼົ່ານີ້ຈະຊ່ວຍເຈົ້າໃຫ້ຢາກຮັບໃຊ້ພະເຢໂຫວາຫຼາຍຂຶ້ນ ເອົາຊະນະຂໍ້ອ່ອນແອຂອງໂຕເອງ ອົດທົນກັບຄວາມຍາກລຳບາກແລະຍັງມີຄວາມສຸກຕໍ່ໆໄປໄດ້. ເຈົ້າຈະຊອກຫາບົດຄວາມເຫຼົ່ານີ້ໄດ້ຈາກໃສ?
ເບິ່ງບົດຄວາມຊຸດ “ເລື່ອງຊີວິດຈິງຂອງພະຍານພະເຢໂຫວາ” ໃນເວັບໄຊ jw.org ຫຼືໃນແອັບ JW Library®. (ພາສາໄທ)
ພິມຄຳວ່າ “ເລື່ອງຊີວິດຈິງຂອງພະຍານພະເຢໂຫວາ” ໃນປ່ອງຄົ້ນຫາຂອງຫ້ອງສະໝຸດອອນລາຍຂອງວັອດສ໌ທາວເວີ້ (Watchtower ONLINE LIBRARY)
