Gov tulgaburai ira silovagahi dentene ñoto, be ram ivalui avoana be mwa dogo lol Buka Sabuga. I mulei, go sav matagu tehe gin atatu.

Go sav bulu tehe lol rovogan politik be mwa du lol vataha ute. Ginibe, atatun politik ram hav bulu tehe mai Jehova, i non Ute Ratahigi.

Nu tavuha be gov bultavuha mai ira Tura Turan Avoana non Jehova, ginibe gera rav buluigo be gov mai sosori Tamanda.

Gov tu wasi be gov huhui tavuhai lalañan ginau la halan Tamanda, i mulei gov ñaitai be gov roñ silon Tamanda.

Batena be nom binihimwasigi mwa wasi dadariha, kadogaha gom liñ rahumwa mwa bano lalai Jehova, i gom garuhisabuga.​—Matiu 28:19.

Tagaro gov roroñtai Tamanda. Nu tavuha be gov basogo non Buka Sabuga, i mulei gov hudali ira Tura Turan Avoana non Jehova, be rav buluigo be gov lai iloilo vi gaivuaga lol non Buka Sabuga. Ataguna gea, nu tavuha maragai be gov huri havanau be gon huhuia nin Buka Sabuga lol rahumwa. Gabe gov lolia kunia, gov togo lol rahuana gabe gov rahu, vai tuai, vai tuai.​—Ol Sam 37:29.