Ngaˬ hui lehˬ laiˉ ha chaw ceuˬ awˬ hk’aw lo maˇ k’oˆ tawˇ hkawˇ laiˉ ha ceuˬ awˬ hk’aw lo laˬ taˍ ve yoˬ. Yaꞈ hk’aˇ, ngaˬ hui teˇ g’aˇ le le dawˇ law kuiˬ hk’a shuˍ-ehˍ cawˬ ve yoˬ. Awˬ kaˍ awˬ nu dawˇ law ve aꞈ kehˉ, ngaˬ hui lehˬ Liꞈ hpu hk’aw k’oˆ taˍ ve G’uiˬ sha lehˬ awˬ ceuˬ hk’a peu-eˬ htaꞈ Te hpanˍ shehˍ hpaˇ Yaˬhoˉvaˬ htaꞈ yawˆ yan piˇ gaˇ ve yoˬ. Yeˍsuˆ Hkriꞈ te ve hk’a shuˍ, ngaˬ hui g’aˇ hteꞈ coˇ caˇ leh te ve yoˬ. Ngaˬ hui htaꞈ Hkriꞈ yaˇ tehꞈ k’oˆ laˇ ve, ha lehˬ jaˇ ve yoˬ. Liꞈ hpu leh G’uiˬ sha ve mvuhˇ miˬ awˬ lawn henˇ tuˬ ngaˬ hui teˇ g’aˇ le le awˬ yanˇ yehˇ leh shu htaꞈ ga piˇ ve yoˬ. Yaˬhoˉvaˬ G’uiˬ sha leh yawˇ ve mvuhˇ miˬ awˬ lawn htaꞈ shaˉ hkiˆ hkanˍ leh maˍ piˇ ve pa taw, Yaˬhoˉvaˬ ve Shaˉhkiˆhkanˍ ve chaw tehꞈ meh piˇ ve yoˬ.

Ngaˬ hui ve vehˆ saiˉ nyi ve. Awn lai hpawˇ Liꞈ hpu g’aw ve. Ngaˬ hui ve awˬ lawn leh ngaˬ hui ve yonˍ hk’aˇ htaꞈ shiˍ maˇ la sheˍ.