Awˬ lawn awˬ tanˇ hk'a gaˬ hteˇ lehˍ k'ai tuˬ

“HK’Aˬ HTAˆ KAꞈ HA LEHˬ CHEHˇ-Oˆ”!

2020 Yaˬhoˉvaˬ ve Shaˉhkiˆhkanˍ ve chaw ve hpawnˬ daꞈ lonˉ

Chi teˇ hk’awꞈ Yaˬhoˉvaˬ ve Shaˉhkiˆhkanˍ ve chaw ve hpawnˬ lonˉ 3 nyi ngaˬ hui nawˬ htaꞈ kuˬ laˇ gaˇ ve yoˬ. Chi teˇ hk’awꞈ a naˍ (COVID-19) htaꞈ pa taw, hpawnˬ daꞈ lonˉ chi ve Vehˆsaiˉ jw.org hk’aw nyi hpehꞈ ve yoˬ. Leh Ha pa 7 maˬ leh Ha pa 8 maˬ hk’aw awˬ meu-eˇ awˬ meu-eˇ g’a nyi tuˬ yoˬ.

A YEˇ UIˍ VE AWˬ LAWN

  • Shinˉ peuˬ ngaˇ nyi: Awˬ hpawˇ awˬ miˇ ma, awˬ pa awˬ e, leh yaˇ teˇ hpaˍ ha lehˬ leh yehˬ k’a hk’aw hk’aˬ hk’e te ha lehˬ g’a tuˬ ga daꞈ g’a ve teˇ geh nyi sheˍ. G’uiˬ sha hpanˍ taˍ ve awˬ ceuˬ teˇ hpaˍ leh chi teˇ hpaˍ htaꞈ ngaˬ hui ha lehˬ g’a leh, G’uiˬ sha ngaˬ hui htaꞈ ha lehˬ tcuh gaˇ ve hk’aˬ hk’e hpeuꞈ maw laˇ ve teˇ geh nyi tuˬ yoˬ.

  • Shinˉ peuˬ hkawꞈ nyi: Aˬ htoꞈ ma te Yaˬhoˉvaˬ ve Shaˉhkiˆhkanˍ ve chaw Liꞈ hpu hk’aw cawˬ ve daꞈ ve awˬ lawn miˬ guiˬ chi hk’oˆ teˇ kaˬ le le lo ca to piˇ ve le? Ngaˬ hui hto toˇ leh maˍ ve chi, Liꞈ hpu hk’aw k’oˆ taˍ laˇ ve hk’e g’aꞈ te ve pa taw, bon maˍ hkawˇ, VDO, leh na nyi piˇ ve awˬ tawn hk’aw hk’awꞈ laˇ tuˬ yoˬ.

  • Shinˉ nyi: Liꞈ hpu hk’aw ka tiꞈ te taˍ laˇ ve, “G’uiˬ sha htaꞈ yonˍ ve chaw lehˬ a shaꞈ teꞈ hk’aˇ paw sha la tuˬ yoˬ.” (Tawˇ naˉ ve 10:22) Liꞈ hpu htaꞈ cuˇ ve bon maˍ hkawˇ “nawˬ paw sha ve a shaꞈ cawˬ g’a ve” ca na la g’a ve yoˬ. Aˬ htoꞈ ma te ngaˬ hui ka tiꞈ chi htaꞈ yonˍ g’a ve le?

  • Awˬ han: Liꞈ hpu ve awˬ co-e htaˇ Neˍhaˍmiˆ meh ve chaw teˇ g’aˇ, yawˇ haꞈ hanˉ leh kaiˬ ve ngaˬ hui htaꞈ aˬ htoꞈ ma maˍ laˇ ve le? Hkawꞈ nyi leh shinˉ nyi htaˇ, ‘Yaˬhoˉvaˬ peꞈ laˇ ve ha lehˬ tuˬ awˬ ceuˬ lehˬ nawˬ hui htaꞈ awˬ g’aˇ uiˍ la piˇ ve’ k’oˆ ve awˬ han 2 tawn htaꞈ nyi g’a ve yoˬ.—Neˍhaˍmiˆ 8:10.

LAˬ HPEHꞈ VE

AWˬ HPFUHˇ MAˇ PEUˬ

Bon maˍ hkawˇ teˇ hpaˍ, leh ngaˬ hui htaꞈ caˉ daꞈ ve VDO teˇ hpaˍ teˇ geh nyi sheˍ.

Hpawnˬ daꞈ lonˉ nyi ve