Mawu Owambeela Gawo 2
Chifukwa n’ni Yehova azilena igumula ineyo yaonongile vyamoyo vyetene? Wale vinjinji athu ka-anainjive va ilambwela, vooireya khani imo-iwene. Khanila yoopangi-a ira muthu uliwetene asakule panga vyapama kapena vyotakala. Athu amo-i monga Adamu, Hava, na mwaniwa Kaini koosakula panga vyotakala. Koma vookala athu amo-iwa oyeva monga Abele na Nowa anayo kasakulile panga vyongo vyapama. Vofiya muthawi ya Nowa athu anjinji, koopanga vyongo vyotakala chichifukwa iwa Yehova aonongile ilambweyo. Igawo inela inonikami-a iziwa ira Yehova unoona vyevyo ninasakula iyo teto kanaza alola ira yotakala igonji-e yapama.
MU GAWO ILA
MURU 3
Adamu na Hava Katavwele Mulungu
Kodi tengo umo-i wa m’munda wa Edeni wali oyi avi? Nanga chifukwa n’ni Hava adjile ipasweyo?
MURU 4
Oolunduwa Mpakana Oofiya Vomupha Balae
Mulungu oosangalala na sembe ya Abele ookala ya Kaini. Kaini agavwile vyevi oolunduwa vinjinji moi oopanga vyongo vyotakala vinjinji.
MURU 5
Ingalawa ya Nowa
Vevo angelo ochimwa katelileathu a-iyana va ilambo yavati, koobala a-ima anayo kali akopolo koma teto auwalanga. Vyongo vyotakala vyali valivetene. Koma Nowa ali o-iyana na aluwa liye oomuomeliwana Mulungu.
MURU 6
Athu 8 Koovulumuwa
Zongwe oorumbwa wa malambo 40 tana na ma-iyu. Nowa na banja lae kookalave mu ingalaweyo kwaranya wa chaka imo-i. Vamapeto viwa Yehova oowawandela ira kakume mu ingalaweyo
