Vyevyo Ninafunjede Iyo Mukhani da M’Baibulo
Bukuli linoukami-ani vwechecha khani da m’Baibulo dokuza ilengedwe, baliwa na utumiki wa Yesu, koma teto Umwene unoyo unaza.
Kalata Yokumela wu Bungwe Lolamulela
Kodi muna-indi-ede avi chito bukuli?
MURU 1
Mulungu Oolenga Udimu na Ilambo Yavati
Baibulo linaonga ira Mulungu oolenga udimu na ilambo yavati. Chifukwa n’ni Mulungu aanalenge yongo iliyetene amupangile mgelo m’mo-i?
MURU 2
Mulungu Oolenga Athu Ambin’li Owambeela
Mulungu oolenga athu oowambeela lombwana na iyana teto oowa-ela m’munda wa Edeni. Yolinga ya Yehova yali yoi aluwa kakale monga banja nosamalelanga ilambo yetene yavati ira ikale paradaiso.
MURU 3
Adamu na Hava Katavwele Mulungu
Kodi tengo umo-i wa m’munda wa Edeni wali oyi avi? Nanga chifukwa n’ni Hava adjile ipasweyo?
MURU 4
Oolunduwa Mpakana Oofiya Vomupha Balae
Mulungu oosangalala na sembe ya Abele ookala ya Kaini. Kaini agavwile vyevi oolunduwa vinjinji moi oopanga vyongo vyotakala vinjinji.
MURU 5
Ingalawa ya Nowa
Vevo angelo ochimwa katelileathu a-iyana va ilambo yavati, koobala a-ima anayo kali akopolo koma teto auwalanga. Vyongo vyotakala vyali valivetene. Koma Nowa ali o-iyana na aluwa liye oomuomeliwana Mulungu.
MURU 6
Athu 8 Koovulumuwa
Zongwe oorumbwa wa malambo 40 tana na ma-iyu. Nowa na banja lae kookalave mu ingalaweyo kwaranya wa chaka imo-i. Vamapeto viwa Yehova oowawandela ira kakume mu ingalaweyo
MURU 7
Sanja Yau Babele
Athu kooganiza vyomanga mzinda na sanja yolapa vinjinji. Chifukwa n’ni Mulungu aapangi-ile ira mwazizizi kaambeele onga viongelo vyo-iyana-iyana?
MURU 8
Aburahamu na Sara Koovwela Mulungu
Chifukwa n’ni Aburahamu na Sara ka-iile moyo wapama munzinda wa Uri dowa ambela kala moyo oendaenda muilambo ya Kanani?
MURU 9
Kookaana Mwana Kangakalambile
Kodi Mulungu akwakwaneli-eda moi avi lonjezo lae wa Aburahamu? Nanga mwa a-ima ambin’li a Aburahamu, mbaani unoyo akuziwa na lonjezoli — Isaki kapena Isimaeli?
MURU 10
Umbuwelani Iyana wa Loti
Mulungu oononga mzinda wa Sodomu na Gomora vo-indi-eda chito mulo na sulufule. Chifukwa n’ni mizinda dedi daonongiwe? Chifukwa n’ni ninafuneya umbuwelanga khani yokuza iyana wa Loti?
MURU 11
Aburahamu Ootonyi-eda Ira Ali Ororomeleya
Mulungu oomuwandela Aburahamu ira: ‘Chonde, mulande mwanao m’mo-i eka udowe wamupeleke sembe vamwango wa Moriya.’ Kodi Aburahamu avilela avi maeselo anala?
MURU 12
Yakobo Oowachela Madaliso
Isaki na Rabeka kookaana a-ima anasambili, Esau na Yakobo. Chifukwa yoi Esau ali owambeela baliwa, liye ookaana mwai owachela cholowa yavadela. Kodi Esau alusile mwai unola chifukwa ya mbale imo-i ya yodja?
MURU 13
Yakobo na Esau Koowambeela Nawili Gwilizana
Kodi yaireile chin’ni ira Yakobo awachele madaliso okumela wa mgelo? Nanga apangile n’ni ira ambeele nawili gwilizana na Esau?
MURU 14
Kapolo Unoyo Amuvwela Mulungu
Yosefe oopanga vyongo vyapama, komave oozuzumi-iwa. Chifukwa n’ni?
MURU 15
Yehova Kamudiwalile Yosefe
Ngakale ira Yosefe ali undendai na abalae, Mulungu ookalave umbalae.
MURU 17
Mose Ooosakula Ira Amulambelenga Yehova
Angali mwana, Mose oovulumuchiwa na m’mae koma mwazelu.
MURU 19
Milili Miraalu Dowambeela
Farao oopangi-a ira athwae kagumane na mavuto chifukwa yoi ali onyada vinjinji moi kaawande pangavo yongo ngakale ulendo umo-i oka.
MURU 21
Mulili wa 10
Mulili unola wali oopi-a vinjinji moi ngakale ira Farao ali onyada koma oogonja.
MURU 22
Vyevyo Vyaireile va Nyanja Yofiila
Farao oogumana na milili 10, koma kodi liye oovulumuwa vevo Mulungu apanga liye vyodabwi-a va Nyanja Yofiila?
MURU 23
Koolonjeza Ira Kanerenga Muvwela Yehova
Aisaraeli koopanga lonjezo lavadela wa Mulungu kangamangile misasa Vamwango wa Sinai.
MURU 24
Aisaraeli Katapangile Vyevyo Kalonjezileathu
Vevo Mose awachela liye malamulo 10, athwayo kali kangapangile chimo lilukulu.
MURU 26
Athu 12 Koodowa Ona Ilambo ya Kanani
Yoswa na Kalebe kali o-iyana na alombwana 10 ale anayo kadowile ona ilambo ya Kanani.
MURU 27
Aisaraeli Amo-iwa Koomukela Yehova
Kora, Datani, Abiramu, na athu amo-iwa 250 katazindikele likundo lofuneya lokuza Yehova.
MURU 29
Yehova Oomusakula Yoswa
Mulungu oomuva-a Yoswa malangizo anayo kananikami-e teto iyo malambwano.
MURU 30
Rahabi Oobisa Aisaraeli Ambin’li Anayo Kadowile Ona Ilambo
Mpanda wa Yeriko oogwa. Koma nyumba ya Rahabi kayagwile ngakale ira yoolumikizana na machisi a mpandoyo.
MURU 31
Yoswa na Athu Awu Gibioni
Yoswa oopempela wa Mulungu ira: “Zuwa liimele!” Kodi Mulungu oosomeda pempeloli?
MURU 32
Sogoleli Musha na A-iyana Ambin’li Olimba Murima
Yoswa angakhwile, Aisaraeli koowambeela lambela mafano. Moyo wali orucha vinjinji, koma oweluza Baraki, namaongela wa-iyana Debora, na Yaeli kookami-ana vomupha Sisera na isulo ya tenti.
MURU 33
Rute na Naomi
A-iyana ambin’ili anayo amamuniwa katatiile koowelela Uisaraeli. M’mo-i mwa a-iyanayo, ali Rute unoyo adowile inda chito m’munda wa Boazi.
MURU 34
Gidiyoni Oowagonji-a Amidiyani
Amidiyani kangambeele azuzumi-a Aisaraeli, aluwa koomuvepa Yehova ira aakami-e. Kodi gulu lakondo ling’onong’ono la asilikali a Gidiyoni lagonji-ile avi asilikali 135,000?
MURU 35
Hana Oovepa Mwana
Elikana oomulanda Hana, Penina, na a-imae ira kalambele uihema wu Silo. Wewo, Hana oopempela ira akaena mwana wamulombwana. Vangavirile chaka, Samueli oobaliwa.
MURU 36
Vyevyo Yefita Alonjezile Liye
Kodi Yefita alonjezile n’ni, nanga chifukwa n’ni? Kodi mwana wa-iyana wa Yefita apangile avi angavwile lonjezo la babae?
MURU 37
Yehova Oonga na Samuweli
A-ima ambin’li a Ndimuwa wa Asembe Eli, kootumikela monga asembe va ihema, koma katavwela malamulo a Mulungu. Ngakale ira Samueli ali mwana koma ali o-iyana na aliwa. Dambo limo-i ma-iyu Yehova oonga na Samueli.
MURU 38
Yehova Oomuva-a Kopolo Samisoni
Mulungu oomuva-a kopolo Samisoni ira alimbane na Afilisiti, koma Samisoni angasakulile vyongo molakweya, Afilisiti koomu-inda.
MURU 39
Mwene Owambeela wa Aisaraeli
Mulungu oowava-a Aisaraeli oweluza ira aasogolelenga, koma aluwa koovepa ira kakaena mwene. Samueli oomuzoza Sauli ira akale mwene owambeela, koma Yehova oomukoonda Sauli. Chifukwa n’ni?
MURU 40
Davide Oomupha Goliyati
Yehova oomusakula Davide ira akale mwene wo-arela wa Aisaraeli, teto Davide ootonyi-eda ira oosakula vyongo mwazelu.
MURU 41
Davide na Sauli
Chifukwa n’ni m’mo-i mwa alombwanala amuida fwae, nanga oidiwoyo apangile n’ni?
MURU 42
Yonatani Ali Olimba Murima Koma Teto Ororomeleya
Mwana wa mweneyo ali fwae wavamurima wa Davide.
MURU 48
Mwana wa Mu-iyana Wamasiye Oovenyi-iwa
Vyodabwi-a viili vyevyo vyaireile mu nyumba ya mu-iyana wamasiye.
MURU 49
Mwene wa Iyana Otakala Oolangiwa
Yezebeli unakoza iwembu yoi amuphe Naboti ira akede mubela mundae wa mpesa! Yehova oona takala wae
MURU 50
Yehova Oomukami-a Mwene Yehosafati
Mwene yapama Yehosafati yoovepa wa Mulungu m’pempelo vevo Ayuda kaopopi-iwaathu na mitundu ya adani.
MURU 51
Musikana Oomukami-a Ndimuwa wa Asilikali
Musikana Waiisaraeli oomuwandela mbwiyae vya kopolo da Yehova — na vyo-arelavo viwa vyodabwi-a.
MURU 52
Gulu Lakopolo la Asilikali a Yehova
Tumiki wa Elisa oozindikila ira ‘anayo kali umbaliwa mba anjinji kwaranya adaniwa’
MURU 54
Yehova Oomulezela Murima Yona
Kodi vyawandeile avi ira m’mo-i wa anamaongela a Mulungu amidiwe na somba ilukulu? Akumilemo avi? Nanga Yehova amufunji-ile n’ni?
MURU 55
Mgelo wa Yehova Oomuteteza Hezekiya
Adani a Ayuda kaonga ira Yehova kanateteze athwae, koma koovinami-a.
MURU 56
Yosiya Oomeliwana Ilamulo ya Mulungu
Yosiya ookala mwene angan’na chaka 8, teto ookami-a athwae ira kalambelenga Yehova.
MURU 57
Yehova Oomuwandela Yeremiya Ira Alaleelenga
Vyevyo namaongela waizombwela vyaongile liye vyoopangi-a ira andimuwa andimuwa a Yuda kalunduwe vinjinji.
MURU 58
Mzinda wa Yelusalemu Oonongiwa
Athu a wu Yuda koopitilizave lambela milungu donama, eno Yehova oowa-iya.
MURU 59
Azombwe 4 Koomuvwela Yehova
Azombwe awu Yudeya koosimikiza murima kalave ororomeleya wa Yehova, ngakale vamaso va mwene wau Babulo.
MURU 60
Umwene Unoyo Unaze Ulamulele Mpakana Walewale
Daniyeli ootapulela vyoro-a vyevyo Nebukadinezara aro-ile liye.
MURU 61
Kookoonda Lambela Fano
Sadirake, Mesake, na Abedinego kookoonda lambela fano la mwene wa Babulo.
MURU 64
Daniyeli Oovokediwa mu Zenje la Apodogoma
Mupempelenga wa Yehova dambo lililetene, ngati mwemo Daniyeli mwapangela liye!
MURU 65
Estere Oovulumucha Athu a Tundwae
Ngakale ira ali mulendo, liye oo-iya kala wamasiye nokala mwene wa iyana.
MURU 66
Ezara oofunji-a Ilamulo ya Mulungu
Aisaraeli kangavwile vyevyo Ezara awelengile liye,koopanga lonjezo lavadera wa Mulungu.
MURU 67
Mpanda wa Yelusalemu Oomangiwa Nawili
Nehemiya oovwa ira adanae kanafuna kamuukele. Chin’ni yamukami-ile ira kaove?
MURU 68
Elizabeti Ookaana Mwana
Chifukwa n’ni mgelo amuwandele mamunae wa Elizabeti ira kanakwakwani-enga onga mpakana mwanoyo aze abaluwe?
MURU 70
Angelo Koolengeza Vyokuza Baluwa wa Yesu
Abusa anayo kavwile ilengezweyo koopangavo yongo mombaraanya
MURU 73
Yohani Oosakaeda Ndila
Yohani ooulukula nokala namaongela. Liye oofunji-a ira Mesiya unoza. Kodi athu kapanga avi kavwa uthengoyo?
MURU 75
Satana Oomushisha Yesu
Satana oomushisha Yesu maulendo maralu. Kodi maeserwiwa kali oyi avi? Nanga Yesu amusomedile avi?
MURU 76
Yesu Ooweli-a Kachisi
Chifukwa n’ni Yesu akumi-ile nyama mukachisi nogubuducha matebulo a ochenja ndalama?
MURU 77
Yesu Oogumana na Muzimai Vaisime
Iyana wau Samariya arunganga ma-inje vaisime ya Yakobo oodabwa ira Yesu oonga na liye. Chifukwa n’ni? Kodi Yesu amuwandele n’ni ineyo kamuwandelile liye muthu uliwetene?
MURU 78
Yesu Oolaleela Uthenga wa Umwene
Yesu oowawandela amo-i mwa ofunjedae ira kakale “asozi a athu”. Vanduli viwa, oowafunji-a o-arelae 70 laleela uthenga wapama.
MURU 79
Yesu Oopanga Vyodabwi-a Vinjinji
Uliwetene wewo Yesu adowa liye, athu obulela koodowa wa liye ira aakami-e, moi liye oowaili-a. Ngakale keda inda m’mpepetele mwa yowara yae, kooili-iwa.
MURU 80
Yesu Oosakula Anamarumiwa 12
Kodi Yesu vowasakula anamarumiwa 12 an’na yolinga yoi avi? Kodi munoumbuwela maziniwa?
MURU 81
Ulaliki wa Vamwango
Yesu oofunji-a vyongo vyofuneya vinjinji gulu la athu lelo lasonkanile m’mpepetele mwa mwango.
MURU 82
Yesu Oowafunji-a O-arelae Pempela
Kodi Yesu aawandele ofunjedae ira kapitilize pempelela vyongo viivi?
MURU 84
Yesu ooenda va nyanja
Kaganizelani mwemo anamarumiwa kavweleathu kang’aoonile yodabwi-a inela?
MURU 85
Yesu Ooili-a Muthu va Dambo la Sabata
Chifukwa n’ni uliwetene kaasangalala na vyevyo Yesu apanga liye?
MURU 86
Yesu Oomuvenyi-a Lazaro
Yesu angamuonile Mariya aulanga, naliye teto oowambeela ula. Koma misodi diwa dootanduwa isangalalo.
MURU 88
Yesu Oomangiwa
Yudasi Isikarioti oosogolela gulu la athu lotukula masupada na vibonga nodowa umunda wa Gesemani ira kamu-inde Yesu.
MURU 89
Petulo Oomukoonda Yesu
Kodi yaireile chin’ni wu nyumba ya Kayafa? Nanga chin’ni yamuireele Yesu m’mbamo?
MURU 95
Kata-iile Laleela
Asogoleli aipembezo anayo kamuphile Yesu kooshisha aruni-a ofunjedae. Koma kavyawandeile.
MURU 96
Yesu Oomusakula Saulo
Saulo ooidana na Akristu koma teto oowapanga uwalanga, koma vyevi vyakede ala vang’ono ira vimale.
MURU 97
Koneliyo Oowachela Zimu Owela
Chifukwa n’ni Mulungu amuwandelile Petulo ira adowe waniwa wa muthu oyi kaali Muyuda?
MURU 98
Athu Amitundu Dimo-i Koovwa Uthenga Wapama
Namarumiwa Paulo na amishonale afwae koowambeela inda chito yolaleela muvilambo vyaundendai.
MURU 99
Oing’anela Ndende Oofunjeda Mawu a Yehova
Kodi iwanda, ivomelezi, na supada vinatangani-iwa avi na khanila?
MURU 100
Paulo na Timoteyu
Alombwana ambin’li anala koo-indela limo-i chito mogwilizana wa chaka dinjinji na afwiwa.
MURU 102
Vyevyo Yohani Aonile Liye M’masomphenya
Yesu oomuoni-a Yohani masomphenya okuza vyausogolo.
MURU 103
“Umweninyu Uze”
m’Masophenya anayo Yohani aonile liye kanotonyi-eda mwemo Umwene wa Mulungu unazeathu uchenjele vyongo vailambwela.
