O Kpekedoo choo idiiyo, Tɛɛkpaa 24, 2018, mi wanaa cho o Bɛtɛɛl o Amɛlika a Kanada niŋnda naŋ kɔl tau mɛɛ nda tuei yonda teŋgeŋndo maa Ŋgɔɔ Kenneth Cook, Jr., simnuŋ waŋndo opilɛ o Dialii Kuumbaŋ Seiyaa Chɛhowaa choo.

Pennsylvania batouwo, o Amɛlika niŋ nda velu Ŋgɔɔ Cook ni. Nduyɛ loŋ o sul ni. Chaaŋ ndɔ nda wa kɔlaŋ o sukuu wo mala ndu ni mbo pɛɛku tonyaa tuupa mbo chii sukuuwo. Nduyɛ, mbo yiŋ Kooŋndo 7, 1980. O kandu wali lɔɔlɔɔ Mɛlɛkaa maa kɔɔfanɔ lɔɔlɔɔ wo Tapioo 1, 1982. Mɛɛ o tosa kɔɔfaleŋ le wɔsilaŋ latiɔɔŋ, ma veelu ndu o Bɛtɛɛl. Nduyɛ, o kandu wallo o Bɛtɛɛl Wɔɔkil, o Niu Yɔk niŋ, Saa 12, 1984.

O wɔsila 25 hiou laŋ niŋ, Ŋgɔɔ Cook tosa niŋ walta teŋgeŋndaŋ o Fondaŋ Toosiaa Layauwo vɛlɛ a o Fondaŋ Kɔɔna Sɔɔŋ le Yuŋgoo Bɛtɛɛl Lo. O chua Chami o nɔɔ niŋ o wɔsi 1996 niŋ. Nduyɛ, mi laandɔ bɛɛ sɔla dioo le wallo tosaa latulu nda pɔnɔndɔ o Bɛtɛɛl, Wɔɔkil. A Yindimiiyo 2009, ma hivi Ŋgɔɔ nda Yema Cook o Fondaŋ Lebol Sukuula Seiyaa Chɛhowaa o Patasiŋ niŋ, Niu Yɔk. Mɛɛ nda fuuluu loŋ, mi Ŋgɔɔ Cook sɔla dikeŋnaŋndo le wallo tosaa latulu a Kunda Poonyiaa. A Nyaakuɛiyo 2016, mɛɛ nda miiŋgu Wɔɔkil le teleŋ biŋgi, ma hivi vɛlɛ Ŋgɔɔ nda Yema Cook o Bulukiliŋ niŋ, Niu Yɔk. Paŋgoŋ ŋuɛɛnu hiouwɔɔ okoŋ kɔɔli, ma hiau o fondaŋnda lebolta Seiyaa Chɛhowaa o Wɔɔwik niŋ, Niu Yɔk. A Tɛɛkpaa 2017, ma yulu Ŋgɔɔ Cook iso maa wana malaa le Kunda Poonyiaa le Dialii Kuumbaŋ Choo Ve.