Kɔ o sɔɔŋ lebolloŋ sakpo

Bɔŋaŋnda Seiyaa Chɛhowaa

Pɛɛku a bɔŋaŋnda naalaŋ okɔɔ. Nuuviaa fonda nda bii bɔŋaŋndo num ikɛiyo.

Tofa le Fonda cho Num Ikɛiyo

Yɛɛ Naŋ Tosa yɛ o Bɔŋaŋnda Naalaŋ?

Seiyiaa Chɛhowaa chuuŋgiaŋ le diiŋ o lɔɔ tɛɛŋ le Chɛhowa saŋgalaa. (Hibuluiya 10:24, 25) Wana o wana fee huŋ o bɔŋaŋnda naalaŋ ndaŋ. yɛɛ naŋ tosa yɛ? Loŋ naŋ yaasiaa nyɛ Baabuiyo dimi wo ni, nduyɛ, loŋ koni naŋ sina vɛlɛ mɛɛ naŋ tual nyɛ Baabuiyo dimi wo kɔɔli ni.

Pɛltaŋ la pum o bɔŋaŋnda naalaŋ ndaŋ, a nyuna wanaa cho ichali wa, a nyuna nda pɛ, a heelu baa, okoŋ a veelu nda a soo. O cho ko mɛɛ sukuuwa tosa naa o sukuu yɛ. Ŋ kandu bɔŋaŋnda naalaŋ ndaŋ a chondei vɛlɛ a piɛileŋ, miŋ kinda a chondei a piɛileŋ.

O cho naa maa mɛɛ ma wa Sei Chɛhowaa tuupa ma kuɛ le. Wana o wana fee chaa hunɔɔ o bɔŋaŋnda naalaŋ. A chal ba o ba. A cho num nyɛsɔlaa biyɔɔ o ba le.