Jɔs lɛk aw Ayzaya bin dɔn tɔk, wi de si aw Jiova in ɔganayzeshɔn na dis wɔl de go bifo pas aw i bin de trade. (Ayz 54:​2) Dis dɔn mek nid de fɔ bil nyu Kiŋdɔm Ɔl dɛn, Asɛmbli Ɔl dɛn, ɛn branch ɔfis dɛn. Afta we dɛn dɔn fɔ bil dɛn bildin dɛn ya, nid kin de fɔ kia fɔ dɛn, ɛn as tɛm de go fɔ mek say dɛn we dɔn pwɛl. Us chans dɛn dis dɔn gi wi fɔ gi wi taym ɛn trɛnk to Jiova?

• Wi kin ɛp fɔ klin di Kiŋdɔm Ɔl di tɛm we wi fil savis grup fɔ klin

• Wi kin gri fɔ mek dɛn tren wi fɔ kia fɔ wi Kiŋdɔm Ɔl

• Wi kin fil di Local Design/Construction Volunteer Application (DC-50) fɔm fɔ ɛp wan wantɛm we dɛn de bil ɛn mek say dɛn we dɔn pwɛl we nɔ de fa frɔm usay wi de

• Wi kin fil di Application for Volunteer Program (A-19) fɔm ɛn gri fɔ ɛp fɔ wan wik ɔ pas dat na wi branch tɛritri na Bɛtɛl ɔ ɔda branch bildin dɛn

WACH DI FIM WE GƐT DI TAYTUL, WAN NYU BILDIN PROJƐKT WE DƐN DƆN PLAN—SHƆT PAT, DƆN UNA ANSA DI KWƐSTYƆN DƐN WE DE DƆŊ:

• Ɛksplen aw wi de yuz mɔ fim dɛn naw pas trade?

• Bikɔs wi nid fɔ mek bɔku fim dɛn, us projɛkt dɛn dɔn plan? Ustɛm dɛn go bigin ɛn ustɛm dɛn go dɔn?

• Wetin di wan dɛn we want fɔ ɛp go du?

• If wi want fɔ ɛp wit di bildin wok na Ramapo, wetin mek wi fɔ fil di (DC-50) aplikeshɔn fɔm ɛn ɛp na di Local Design/Construction projɛkt dɛn we de nia wi?

• Wetin sho klia wan se na Jiova de “dayrɛkt” dis wok?

• Aw wi go sɔpɔt dis wok pan ɔl we wi nɔ go ebul fɔ go ɛp fɔ bil?