1 Kɔrintians 8:1-13
8 Naw mek a tɔk bɔt fud we dɛn kin sakrifays to aydɔl dɛn: Wi no se wi ɔl no sɔntin bɔt dis. Di tin we pɔsin no kin mek i prawd, bɔt lɔv de ɛp pɔsin fɔ tinap tranga wan.
2 If ɛnibɔdi tink se i no sɔntin, i nɔ no am yet lɛk aw i fɔ no am.
3 Bɔt if ɛnibɔdi lɛk Gɔd, Gɔd no am.
4 Naw mek a tɔk bɔt we pɔsin de it fud we dɛn dɔn sakrifays to aydɔl dɛn: Wi no se aydɔl na natin na di wɔl ɛn wi no se na wangren Gɔd de, no ɔda wan nɔ de.
5 Pan ɔl we tin dɛn de we pipul dɛn kin kɔl gɔd, na ɛvin ɔ na di wɔl, jɔs lɛk aw bɔku “gɔd dɛn” ɛn bɔku “masta dɛn” de,
6 na wangren Gɔd wi gɛt, dat na di Papa, we mek ɔltin ɛn wi de liv fɔ am; ɛn na wangren Masta de, dat na Jizɔs Krays. Ɔltin kam tru am ɛn na tru am wisɛf kam.
7 Bɔt nɔto ɔlman no dis. Bikɔs sɔm bin de wɔship aydɔl trade, we dɛn it fud we pipul dɛn sakrifays to aydɔl, dɛn kɔnshɛns we wik kin mɔna dɛn.
8 Bɔt fud nɔ de mek wi kam nia Gɔd mɔ. Wi nɔ go lɔs natin if wi nɔ it, ɛn wi nɔ go gɛt natin if wi it.
9 Bɔt una mek shɔ se di rayt we una gɛt fɔ pik nɔ tan lɛk ston we de mek di wan dɛn we wik fɔdɔm.
10 If yu we no, de it na aydɔl tɛmpul ɛn sɔmbɔdi si yu, yu nɔ tink se da pɔsin de we wik, in kɔnshɛns go mek i gɛt maynd fɔ it fud we dɛn sakrifays to aydɔl dɛn?
11 So di tin we yu no dɔn damej di man we wik, we na yu brɔda we Krays day fɔ.
12 We una sin agens una brɔda dɛn dis kayn we ɛn wund dɛn kɔnshɛns we wik, una de sin agens Krays.
13 Na dat mek if it de ɔfɛn mi brɔda, a nɔ go ɛva it bif igen, so dat a nɔ go ɔfɛn mi brɔda.
