1, 2. Jiisusip inuian­nik asan­ningaar­nini qanoq ersersip­paa?

GUUTIP angajul­liliaa, Jehovap ilisimas­susersuanik ersersitsil­luar­ner­paaq, Ataatami ‘sanianiip­poq sulior­tuatut’ (1900). Ataatami “qilak aalajaatsumik tun­ngavilermagu” aam­ma “nunap tun­ngavii aalajangermagit” Jiisusi qanoq nuan­naar­tigalunilu naam­magisimaarin­nitsigisoq takorlooruk. Ataatamili pin­ngor­titaanit al­lanit tamanit ‘inuit nuan­narinerungaar­pai’. (Us­s 8:22-31) Aap, inuit aal­laq­qaam­mul­li asavai.

² Tamatuma kingor­na kajumil­luni inut­tut timeqarluni qilam­mit nunarsuarmukarami Jiisusip Ataataminik asan­nin­nini, ilumoorfigin­nin­nini inun­nil­lu asan­ningaar­nini ersersip­paa. ‘Inuunini akis­satut amerlasuut uter­tin­neqaatis­saat­tut’ kajumil­luni pil­liutigigamiuk Jiisusi taamaalior­poq. (Mat­t 20:28; Fil 2:5-8) Jiisusi nunarsuarmiin­nermini tupin­nar­tulior­nis­samut Guutimit pis­saaneqar­tin­neqar­poq. Jiisusip inun­nik asan­ningaar­nera qanit­tuk­kul­lu inuian­nut iliuuserisas­sai nuan­nersut tupin­nar­tuliaanit taak­kunan­nga ersersin­neqar­put.

3. Al­laaserisami matumani suut sam­mis­savavut?

 ³ Jiisusip nunarsuarmiin­nermini “Guutip naalagaaf­fianik iivangkiiliu” aam­ma oqaluus­sis­sutigaa. (Luk 4:43) Naalagaaf­fiup tamatuma Ataatami aq­qa il­ler­narsisis­sagaa inuiaal­lu ajor­nar­torsiutaat aaq­qil­luin­nas­sagai nalun­ngilaa. Jiisusi oqaluus­sinermini amerlasuunik tupin­nar­tulior­tar­poq. Tupin­nar­tulianit taak­kunan­nga inun­nik tamanik isumas­suingaar­nera erser­poq. Sooq taman­na uagutsin­nut pingaaruteqar­pa? Iliuusii siunis­samut tun­ngatil­lugu neriuuteqalis­sutigalugil­lu isumal­lualis­sutigigatsigit. Taamaat­tumik Jiisusip tupin­nar­tuliai sisamat sam­meriar­tigit.

4. Jiisusip angut pupis­soq naapim­magu susoqar­pa?

⁴ Jiisusip oqaluus­sinermini nunap ilaanut Galilæamik taaneqar­tar­tumukarami il­loqarfiit ilaan­ni angut pupis­soq naapip­paa. (Mark 1:39, 40) Angut perulungaarmat nakorsap Lukasip ‘pupit­torujus­suar­tut’ al­laatigaa. (Luk 5:12) Biibilimi al­las­simavoq angutip nap­parsimasup Jiisusi takugamiuk seeq­qum­merfigalugu “qin­nuigaa oqarluni: ‘Piumaguit minguk­kun­naarsis­sin­naavarma.’” Jiisusip ajorun­naarsitsinis­samut pis­saaneqar­nera angutip nalun­ngik­kaluarlugu ajorun­naarsitsinis­saminut piumas­suseqar­nersoq paaserusup­paa. Sooq? Farisiiarit, inun­nik pupis­sunik nikagin­nit­tut, sungiusimagamigit. Jiisusili qanoq eq­qarsar­pa? Nap­paam­minik naal­liuk­kunar­toq qanoq pis­savaa? Il­lit qanoq iliorsimas­sagaluar­pit?

5. Sooq Jiisusip pupis­soq ajorun­naarsip­paa?

⁵ Mosesip inatsisaani piumasarineqar­tutut angut nap­parsimasoq ima suaar­tarunan­ngilaq: “Mingut­tuuvunga, mingut­tuuvunga!” (3 Mos 13:43-46) Jiisusili kamalin­ngilaq. Paarlat­tuanik angut isumas­sorusul­lugulu ikiorusup­paa. Jiisusi qanor­piaq eq­qarsarsimanersoq naluar­put, qanorli misiginersoq nalun­ngilar­put. Nal­ligingaaramiuk tupin­nar­tulior­poq. Angut, al­lat at­torusun­ngisaat, at­tor­paa. Jiisusi qularani misigin­neqataal­lunilu ima oqar­poq: “Piumavunga, minguk­kun­naarit!” Angul­lu ajorun­naar­poq. (Luk 5:13) Jehovap Jiisusimik tupin­nar­tulior­nis­samut pis­saaneqar­titsinera inun­nil­lu asan­ningaar­nera ersarip­poq. — Luk 5:17.

6. Jiisusip tupin­nar­tuliai sooq soqutiginaateqar­pat, sumil­lu ersersitsip­pat?

⁶ Jiisusi pis­saaneq Guutimit pisoq iluaqutigalugu amerlasuunik tupin­nar­tulior­poq. Pupis­sut ajorun­naarsiin­nar­nagit aam­ma inuit as­sigiin­ngitsor­pas­suar­nik nap­paatil­lit ajorun­naarsip­pai. Biibilimi al­las­simavoq inuit tupigusulersut “takugamik­kit oqajuitsut oqalut­tut, iloqiaat ajorun­naarsimasut, nukil­laarsimasut pisut­tut, tap­piitsul­lu tap­pis­sisut”. (Mat­t 15:31) Jiisusip ajorun­naarsitsigaangami inuup al­lap peq­qis­sup timik­kut pisatai pisariaqar­tin­neq ajor­pai. Jiisusip inuk timik­kut nap­paatilik ajorun­naarsis­sin­naavaa. Aam­ma inuit ingerlaan­naq, al­laat im­minit ungasis­sumiit­tut, ajorun­naarsit­tar­pai. (Joh 4:46-54) Pisut nuan­nersut taak­ku sumik ersersitsip­pat? Kun­nger­put, Jiisusi Kristusi, nap­paatinik tamanik atuuk­kun­naarsitsinis­saminut pis­saaneqarlunilu piumas­suseqar­toq. Jiisusip inun­nik pin­neriaasia pil­lugu paasisaqaraangat­ta silarsuas­sami nutaami ‘san­ngiitsunik piitsunil­lu nal­lit­tuiumaar­nera’ qulariun­naar­tar­par­put. (Tus­s 72:13) Taamanik­kus­samut  Jiisusip kajumil­luni inuit naal­liuuteqar­tut tamaasa ajorun­naarsis­savai.

7, 8. Jiisusi Galilæamiit Judæamukar­til­luni sua?

⁷ Pupis­sumik ajorun­naarsitsinermi kingor­na qaam­matialuit qaangium­mata Guutip naalagaaf­fia pil­lugu nutaarsias­saq nuan­nersoq oqaluus­sis­sutigiumal­lugu Jiisusi Galilæamiit Judæamukar­poq. Tas­sani inuit tuusintil­lit Jiisusip tusarlius­saanik tusar­tut taas­suma asan­ningaar­nera kil­lin­neqaatigingaarsimas­savaat. Jiisusip piitsut naqisimaneqar­tul­lu tup­pal­lersarusungaarlugil­lu neriuuteqalersik­kusup­pai. — Es 61:1, 2; Luk 4:18-21.

⁸ Nisanip qaam­mataani Jiisusi Jerusalemimut poorskisioriar­tor­poq. Im­mik­kut it­tumik nal­liut­torsior­nermut inuit peqataaniar­tut tikius­sor­til­lugit inuit il­loqarfim­mi ulapaaler­put. Jiisusip naalaf­fiup avan­naatungaaniit­tumi tasiliami Betesdamiitil­luni angut pisus­sin­naan­ngitsoq saaf­figaa.

9, 10. (a) Sooq inuit Betesdap tasiliaanukar­tar­pat? (b) Jiisusi tasiliap eq­qaani sua, taman­nalu qanoq ilin­niarfigisin­naavar­put? (Al­laaserisap aal­laq­qaataani as­siliaq takuuk).

⁹ Inuit nap­parsimasor­pas­suit Betesdamukar­tar­put. Sooq? Tasiliaq aalalersin­neqaraangat inuk nap­parsimasoq imermut ikisoq tupin­nar­tulior­nik­kut ajorun­naarsin­neqas­sasoq up­perigamik­ku. Inuit isumatsas­simasut, an­nilaangasut neriuuteqan­ngitsul­lu ajorun­naarusut­tut taama amerlatigim­mata qanoq tujorminar­tigisimas­sasoq takorlooriaruk. Jiisusi naam­mal­luin­nar­tuugami ajorun­naarsin­neqar­nis­sani pisariaqar­tin­ngilaa, taamaam­mat sooq tasiliap eq­qaaniip­pa? Inuit asagamigit tas­sun­ngarsimavoq. Tas­sanilu Jiisusip nunarsuarmi inuunerminit sivisunerusumik angut nap­parsimasimasoq naapip­paa. — Johan­nesi 5:5-9 atuak­kit.

¹⁰ Jiisusip angut ajorun­naa­rusun­nersoq aperaa. Angut ajorun­naa­rusuk­kaluarluni tasiliamut ikinis­saminut ikior­tis­saqar­neq ajorami ajorun­naarsin­neqarsin­naan­ngin­nini Jiisusimut oqalut­tuarigamiuk qanoq aliasutsigisimas­sasoq takorlooriaruk. Taava Jiisusip sapigaanik iliuuseqaq­quaa. Oqarfigaa nal­lavini tigoriarlugu angalaas­sasoq. Angul­lu taamaalior­poq! Tupin­nar­tuliaq taman­na nuan­nersoq Jiisusip silarsuas­sami nutaami iliuuserisas­saanut inun­nil­lu asan­ningaar­neranut up­per­narsaataavoq. Inuit ikior­neqar­tariaqar­tut ujar­tor­tar­pai. Jiisusip maligas­siaa silarsuarmi pisar­tut ajor­tut pis­sutigalugit inuit isumatsas­simasut oqaluus­sif­figisar­tak­katsin­niit­tut ujar­tor­nis­saan­nut kajumis­sis­sutigi­sariaqar­par­put.

11. Markusip al­lagai 5:25-34 Jiisusip inun­nik nap­parsimasunik asan­nin­nera qanoq ersersin­neqar­pa?

¹¹ Markusip al­lagai 5:25-34 atuak­kit. Ar­nap ukiuni aq­qaneq-marlun­ni nap­paatini kan­ngusuutigisani naal­liuutigaa. Nap­paataa inuuneranut, aam­ma pal­lorfigin­nin­neranut, kingunerlutsitsivoq. Ajorun­naarusuk­kami nakorsar­pas­suar­nukarsimavoq aningaasaatinilu tamarluin­naasa atoraluarlugit ajor­neruliin­narsimal­luni. Taamaal­luni ar­naq  ajorun­naar­nis­saminut al­laanerusumik pilersaarusiuler­poq. Inatsisit naaper­torlugit inuit al­lat at­tor­tus­saan­ngik­kaluarlugit inup­pas­suit akor­nisigut ingerlavoq Jiisusilu atisaasigut at­torlugu. (3 Mos 15:19, 25) Jiisusip nukik im­minit anisoq malugigamiuk kiap at­tor­neraani apeq­qutigaa. Ar­naq “an­nilaar­nermit sajul­luni” pal­lor­poq “qanorlu pisoqar­nera tamaat eq­qor­tumik oqalut­tuaralugu”. Ar­nap Jehovamit ajorun­naarsin­neqar­nera Jiisusip nalun­ngin­namiuk inus­siar­nersumik ima oqarfigaa: “Panik, up­per­ner­pit an­naap­paatit. Eq­qis­sil­lutit qimagun­niarit, ajoqutin­nil­lu ajorun­naarsitaagit!”

12. (a) Sam­meriik­kavut eq­qarsaatigalugit Jiisusi pil­lugu qanoq oqalut­tuar­sin­naavugut? (b) Jiisusi qanoq maligas­siuil­luar­pa?

¹² Jiisusip inun­nik, ingam­mik nap­parsimasunik, asan­ningaar­nera qamuuna nuan­naajum­mis­sutigaar­put. Saatanimit al­laanerul­luin­nar­poq, taas­sumami naleqan­ngitsutut asaneqarsin­naan­ngitsutul­lu misigitin­niar­tar­paatigut. Jiisusil­li tupin­nar­tuliai uagutsin­nik ajor­nar­torsiutitsin­nil­lu isumas­suingaar­neranik ersersitsip­put. Taama asan­ningaar­tigisumik kun­ngeqarat­ta palasiuneqarlutalu qujamasungaar­sin­naavugut! (Hebr 4:15) Sivisuumik nap­parsimasimasup misigis­susii, ingam­mik nap­paateqan­ngik­kut­ta, paasiuminaatsis­sin­naavavut. Jiisusili eq­qarsaatigiuk. Nap­parsiman­ngi­saan­naraluarluni inuit nap­parsimasut misigin­neqatigisar­pai. Qanor­toq sapin­ngisar­put naaper­torlugu asan­nin­neranik ilaarsiniar­tuarisa. — 1 Petr 3:8.

13. Lazarusip makititaanera Jiisusi pil­lugu sumik ersersitsiva?

¹³ Jiisusip al­lat aliasun­nerat sun­ner­tis­sutigingaar­tar­paa. As­sersuutigalugu ikin­ngutini Lazarusi toqum­mat taas­suma ilaqutai ikin­ngutaalu aliasut­tut takugamigit “qamuuna nimaar­poq” (NW) “as­sul­lu ilungersuum­merluni”. (Johan­nesi 11:33-36 atuak­kit). Lazarusip makititaanis­saa nalun­ngik­kaluarlugu Jiisusi qis­saser­poq. Misigis­sutsimi al­lanut ersersin­nis­saat qusagin­ngilaa. Jiisusip Lazarusi ilaqutaalu asangaaramigit Guutip pis­saanera  atorlugu Lazarusi makitip­paa! — Joh 11:43, 44.

14, 15. (a) Jehovap inuit naal­liuutaan­nik atuuk­kun­naarsitserusun­neranut suut up­per­narsaataap­pat? (b) Makititsinermut Guutip eq­qaaman­nis­sin­naanini qanoq atus­savaa?

¹⁴ Biibilimi al­las­simavoq Jiisusip Ataatani, Jehova, as­sigil­luin­naraa. (Hebr 1:3) Taamaat­tumik Jiisusip tupin­nar­tuliai Jehovap aam­ma nap­paatinik, an­niaatinik toqumil­lu atuuk­kun­naarsitserusun­neranut up­per­narsaataap­put. Ungasin­ngitsuk­kut Jehovap Jiisusil­lu inup­pas­suit toqusimasut makitis­savaat. Jiisusi oqar­poq ‘pif­fis­saq ilivermiit­tut tamarmik makititaajumaarfis­saat nal­liuk­kumaar­toq’. — Joh 5:28, 29.

¹⁵ Taamanik­kus­samut Guutip eq­qaaman­nis­sin­naanini atus­savaa. Guutip Ajugaqan­ngitsup, qilam­mik nunarsuarmil­lu Pin­ngor­titsisup, asasatsin­nut toqusimasunut tun­ngatil­lugu an­nikitsualuit, aam­ma kinaas­susaat, eq­qaamasin­naavai. (Es 40:26) Aap, eq­qaamaan­nar­nagit eq­qaamarusup­pai. Biibilimi makititsinerit eq­qaaneqar­tut silarsuas­sami nutaami pisus­sanut nuan­nersunut takus­sutis­saap­put.

16. Guutip kif­fai amerlasuut sumik periarfis­saqar­pat?

¹⁶ Aalajaat­tuarut­ta tupin­nar­tuliat an­ner­paar­taat, an­nikil­lior­nar­tus­sarsuarmit aniguineq, misigisin­naavar­put. Harmagedonip kingunitsian­ngua tupin­nar­tulior­nerit suli amerlanerujus­suit takus­savavut. Taamanik­kus­samut inuit tamarmik peq­qil­luin­nas­sap­put. (Es 33:24; 35:5, 6; Saq­q 21:4) Inuit isarus­sanik, ajaap­pis­sanik, is­siavin­nik kaas­suar­tak­kanik tusar­taatinil­lu atuiun­naar­tut takul­lugit qanoq is­sanersoq takorlooruk. Harmagedonimi aniguisut tamarmik sulias­sar­pas­suaqaramik nukit­tusariaqar­nerat peq­qit­tariaqar­neral­lu Jehovap nalun­ngilaa. Taak­kuami nunarsuar­put alianaatsoq paratiisin­ngor­tis­savaat. — Tus­s 115:16.

17, 18. (a) Sooq Jiisusi tupin­nar­tulior­tar­pa? (b) Sooq Guutip silarsuas­saani nutaami inuujumal­luta sapin­ngisatsin­nik iliuuseqar­tariaqar­pugut?

¹⁷ Ul­lumik­kut Guutip kif­fai Jiisusip nap­parsimasunik ajorun­naarsitsinera pil­lugu atuaraangamik tup­pal­ler­tar­put. Tupin­nar­tulior­nerit taak­ku siunis­sami peq­qis­sil­luin­nar­nis­satsin­nik up­perin­nin­nerulis­sutigaavut. Aam­ma Guutip angajul­liliaata inuian­nik asan­ningaar­neranik ersersitsip­put. (Joh 10:11; 15:12, 13) Jiisusip misigin­neqataangaar­nera Jehovap kif­faminik tamanik asan­ningaar­neranut up­per­narsaataavoq. — Joh 5:19.

¹⁸ Ul­lumik­kut silarsuarmi naal­liuutit, an­niaatit toqulu nalingin­naap­put. (Rom 8:22) Taamaat­tuminguna Guutip silarsuas­saa nutaaq pisariaqar­tik­kip­put. Taamanik­kus­samut Guutip neriorsuisimaneratut inuit peq­qil­luin­nas­sap­put. Malakip al­lagai 3:20-mi ‘nersuteeq­qatut pual­larsik­katut pis­seqat­taarumaar­nitsin­nik’ neriorsor­neqar­pugut, tas­sa ajorun­naarsimaner­put naam­mal­luin­nar­tun­ngorsimaner­pul­lu nuan­naarutigis­savavut. Qanor­toq Jehovamut qujamasun­ner­put taas­sumalu neriorsuutaanik up­perin­nin­ner­put silarsuas­sami nutaami inuujumal­luta sapin­ngisatsin­nik iliuuseqar­nis­satsin­nut kajumis­sis­sutigigisigit. Jiisusip tupin­nar­tuliai ungasin­ngitsuk­kut inuiaat taas­suma naalak­kersuinerani ajorun­naarluin­nar­nis­samin­nik nuan­naarutigin­nin­nis­saan­nut up­per­narsaataanerat tup­pal­ler­nangaar­poq!