Mbarathi iria inya na atwarithia a cio thĩinĩ wa ibuku rĩa Kũguũrĩrio nĩ ũmwe wa maũndũ marĩa moĩkaine mũno ibuku-inĩ rĩu rĩa Kũguũrĩrio. Andũ amwe nĩ mamakagio nĩ kĩoneki kĩu. Angĩ nao nĩ makenagio nĩ ũhoro ũcio. Ta rora wone ũrĩa Bibilia yugaga ũhoro-inĩ wĩgiĩ morathi ta macio:

“Gũkena-rĩ, nĩ mũndũ ũrĩa ũthomaga anĩrĩire na arĩa maiguaga ciugo cia ũrathi ũyũ.”—Kũguũrĩrio 1:3.

Ngathĩti ĩno ya Mũrangĩri ĩrataarĩria ũrĩa ũhoro wĩgiĩ mbarathi iria inya na atwarithia a cio ũngĩkorũo ũrĩ ũhoro mwega harĩ ithuĩ.