Macokio ma Ciũria cia Bibilia
Mũthenya wa Cira nĩ kĩĩ?
Mahinda-inĩ ma Bibilia, Ngai aahũthagĩra atiirĩrĩri bũrũri (kana acirithania) kũhonokia andũ ake kuumana na wagi wa kĩhooto. (Atiirĩrĩri Bũrũri 2:18) Bibilia ĩtaaragĩria atĩ Mũthenya wa Cira ũgaakorũo ũrĩ ihinda rĩa gĩkeno, rĩrĩa Jehova Mũcirithania mũnene wa thĩ yothe, akaahonokia andũ kuumana na wagi wa kĩhooto.
Ngai nĩ athuurĩte Jesu agaatuanĩra cira na kĩhooto, kũrĩ arĩa me muoyo o hamwe na arĩa akuũ. (Atũmwo 10:42; 17:31) Andũ aingĩ nĩ makuĩte matamenyete Ngai. Mũthenya ũcio wa gũcirithania, Jesu nĩ akamariũkia nĩguo mamenye Ngai ũrĩa wa ma, na hihi mamwende.
Mũthenya wa Cira ũgakorũo ũrĩ wa mĩaka ngiri ĩmwe nĩkĩ?
Arĩa akuũ makaariũkio ihinda-inĩ rĩu rĩa mĩaka ngiri ĩmwe. (Kũguũrĩrio 20:
Bibilia ningĩ nĩ ĩtaaragĩria mũthenya ũngĩ wa cira ũrĩa ũgoka o rĩmwe andũ materĩgĩrĩire, mĩaka ĩyo ngiri ĩmwe ĩtanambĩrĩria. Mũthenya ũcio nĩguo wĩtagwo ihinda rĩa ithirĩro, o ta ũrĩa warĩrĩirio icunjĩ-inĩ cia mbere cia ngathĩti ĩno. Mũthenya ũcio, Ngai nĩ akaaniina andũ othe arĩa oru na matamwĩtigĩrĩte. (2 Petero 3:7) Kwoguo, nĩ twagĩrĩirũo kwĩrutanĩria kuonania wendo witũ harĩ Ngai.