ITHOMO RĨA 28
Onanagia Ngatho nĩ Ũndũ wa Ũrĩa Jehova na Jesu Maagwĩkĩire
Hihi ũiguaga atĩa mũrata waku angĩkũhe kĩheo kĩega? No kũhoteke nĩ ũkenaga mũno na ũkenda kuonia mũrata waku atĩ nĩ ũracokia ngatho nĩ ũndũ wa kĩheo kĩu. Jehova na Jesu nĩ maatũheire kĩheo kĩrĩa kĩnene makĩria tũngĩamũkĩra. Nĩ kĩheo kĩrĩkũ kĩu, na tũngĩonania ngatho atĩa nĩ ũndũ wakĩo?
1. Njĩra ĩmwe ya kuonania ngatho nĩ ũndũ wa ũrĩa Ngai na Kristo maatwĩkĩire nĩ ĩrĩkũ?
Bibilia ĩranĩire atĩ “mũndũ o wothe ũrĩonanagia wĩtĩkio harĩ [Jesu]” nĩ agaatũũra tene na tene. (Johana 3:16) Kuonania wĩtĩkio nĩ kuuga atĩa? To gwĩtĩkia Jesu tu, no nĩ nginya kuonania wĩtĩkio witũ kũgerera matua maitũ na ciĩko citũ. (Jakubu 2:17) Rĩrĩa tuonania wĩtĩkio witũ kũgerera ciĩko na ciugo citũ, nĩ twĩkĩraga hinya ũrata witũ na Jesu o hamwe na Ithe, Jehova.—Thoma Johana 14:21.
2. Nĩ ũndũ ũrĩkũ wa mwanya ũtũteithagia kuonania ngatho nĩ ũndũ wa ũrĩa Jehova na Jesu maatwĩkĩire?
Hwaĩ-inĩ wa mũico Jesu atanakua, nĩ eerire arũmĩrĩri ake ũhoro wĩgiĩ njĩra ĩngĩ mangĩonania ngatho nayo nĩ ũndũ wa igongona rĩake. Aambĩrĩirie gĩkũngũĩro kĩa mwanya kĩrĩa Bibilia ĩtaga “Irio cia Hwaĩ-inĩ cia Mwathani,” na nokĩo gĩtagwo Kĩririkano gĩa gĩkuũ gĩa Kristo. (1 Akorintho 11:20) Jesu aambĩrĩirie gĩkũngũĩro kĩu nĩguo atũmwo ake, o hamwe na Akristiano a ma arĩa mangĩgoka thutha wao, makaaririkanaga atĩ nĩ aarutire muoyo wake nĩ ũndũ witũ. Jesu aarutire watho ũyũ igũrũ rĩgiĩ gĩkũngũĩro kĩu: “Ĩkagai ũũ nĩguo mũndirikanage.” (Luka 22:19) Rĩrĩa wathiĩ Kĩririkano-inĩ, wonanagia atĩ ũrĩ na ngatho nĩ ũndũ wa wendo mũnene ũrĩa Jehova na Jesu matuonagia.
THUTHURIA MAKĨRIA
Reke tũthuthurie tuone njĩra ingĩ tũngĩonania ngatho nacio nĩ ũndũ wa wendo mũnene ũrĩa Jehova na Jesu matuonetie. Nĩ tũgũcoka twĩrute bata wa Kĩririkano gĩa gĩkuũ gĩa Kristo.
3. Tũngĩonania ngatho atĩa?
Ta hũũra mbica mũndũ akũhonoketie ndũgatwarũo nĩ maĩ. Hihi no ũriganĩrũo nĩ ũrĩa mũndũ ũcio aagwĩkĩire? Githĩ ndũngĩetha njĩra cia kũmuonia anĩ ũracokia ngatho?
Jehova nĩ aahonokirie mĩoyo itũ. Thomai 1 Johana 4:8-10, mũcoke mwarĩrĩrie ciũria ici:
-
Nĩ kĩĩ kĩngĩtũma tuuge atĩ igongona rĩa Jesu nĩ kĩheo kĩa mwanya?
-
Ũndũ ũrĩa Jehova na Jesu maagwĩkĩire ũratũma ũigue atĩa?
Tũngĩonania ngatho atĩa nĩ ũndũ wa ũrĩa Jehova na Jesu maatwĩkĩire? Thomai 2 Akorintho 5:15 na 1 Johana 4:11; 5:3. Arĩrĩriai kĩũria gĩkĩ thutha wa gũthoma o rĩandĩko:
-
Kũringana na rĩandĩko rĩu-rĩ, tũngĩka atĩa tuonanie ngatho?
4. Wĩgerekanagie na Jesu
Njĩra ĩngĩ tũngĩonania ngatho nayo nĩ kwĩgerekania na Jesu. Thomai 1 Petero 2:21, mũcoke mwarĩrĩrie kĩũria gĩkĩ:
-
Ũngĩĩrutanĩria kũrũmĩrĩra makinya ma Jesu na njĩra ta irĩkũ?
Jesu nĩ eendete Kiugo kĩa Ngai, nĩ aahunjagia ũhoro ũrĩa mwega, na nĩ aateithagia andũ arĩa angĩ
5. Thiaga Kĩririkano-inĩ gĩa gĩkuũ gĩa Kristo
Nĩguo muone maũndũ marĩa meekirũo hĩndĩ ya gĩkũngũĩro kĩa mbere kĩa Irio cia Hwaĩ-inĩ cia Mwathani, thomai Luka 22:14, 19, 20, mũcoke mwarĩrĩrie ciũria ici:
-
Nĩ maũndũ marĩkũ meekirũo hĩndĩ ya Irio cia Hwaĩ-inĩ cia Mwathani?
-
Mũgate na ndibei irũgamagĩrĩra kĩĩ?—Rora mũhari wa 19 na 20.
Jesu eendaga arutwo ake makũngũyagĩre Irio cia Hwaĩ-inĩ cia Mwathani riita rĩmwe o mwaka tarĩki ĩrĩa aakuire. Nĩ ũndũ ũcio, Aira a Jehova nĩ macemanagia hamwe riita rĩmwe o mwaka, nĩguo maririkane gĩkuũ gĩa Kristo o ta ũrĩa aathanire. Nĩguo mwĩrute makĩria ũhoro wĩgiĩ mũcemanio ũcio wa bata, mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Nĩ maũndũ marĩkũ mekagwo hĩndĩ ya Kĩririkano?
Mũgate na ndibei nĩ irĩ kĩrĩa irũgamĩrĩire. Mũgate ũrũgamĩrĩire mwĩrĩ mũkinyanĩru wa Jesu ũrĩa aarutire nĩ ũndũ witũ. Ndibei ĩrũgamĩrĩire thakame yake
ANDŨ AMWE MOIGAGA: “Nĩguo ũkaahonoka, ũrabatara o gwĩtĩkia Jesu.”
-
Ũngĩhũthĩra atĩa Johana 3:16 na Jakubu 2:17 kuonania atĩ nĩ harĩ maũndũ mangĩ mũndũ abataraga gwĩka?
ŨRĨA TWERUTA
Tuonanagia ngatho nĩ ũndũ wa ũrĩa Jesu aatwĩkĩire na njĩra ya kuonania wĩtĩkio harĩ we na gũthiaga Kĩririkano-inĩ gĩa gĩkuũ gĩake.
Ciũria cia gũcokera
-
Kuonania wĩtĩkio harĩ Jesu nĩ kuuga atĩa?
-
Ũngĩonania ngatho atĩa nĩ ũndũ wa ũrĩa Jehova na Jesu maagwĩkĩire?
-
Nĩkĩ nĩ ũndũ wa bata mũno gũthiaga Kĩririkano-inĩ gĩa gĩkuũ gĩa Kristo?
RIKĨRA
Gĩkuũ gĩa Kristo gĩtũtindĩkaga gwĩka atĩa?
Wĩrute makĩria ũhoro wĩgiĩ wĩtĩkio na ũrĩa tũngĩwonania.
“Onania Wĩtĩkio Harĩ Ciĩranĩro cia Jehova” (Mũrangĩri, Oktomba 2016)
Thoma wone nĩkĩ no andũ anini tu marĩaga mũgate na makanyua ndibei hĩndĩ ya Kĩririkano.
Icunjĩ Ingĩ Hihi Ũngĩenda Gũthoma
CIŨRIA IRIA CIŨRAGIO KAINGĨ
Mũbango wa Aira a Jehova wa Kwĩruta Bibilia na Andũ Ũkoragwo Ũhaana Atĩa?
Rĩrĩa ũreruta Bibilia na Aira a Jehova, no ũhũthĩre Bibilia ĩrĩa ũkwenda. No ũnyite ũgeni andũ anyu othe a famĩlĩ kana arata aku rĩrĩa ũreruta.
