Ha to jykrén nĩ: mỹnh fi vỹ fi kósin ki han tĩ, ti tỹ escola ra tĩ jé, mỹnh fi vỹ ti tugnỹm tĩ, ti tỹ jãnhkri nĩ jé. Tag vỹ fi kósin ajũna ke tĩ, ti tỹ vẽnh kaga tũ nĩ jé. Kar ũn ag vỹ vég tĩ, mỹnh kar panh fag vỹ fag kósin ki rĩr há han tĩ. Tag hã ri ke, ẽg Jóg tỹ Jeová vỹ ẽg tỹ corpo jãnhkri nỹtĩ kar ẽg tỹ vẽjykre há han tĩ ve sór tĩ. Ẽg tỹ tỹ ũn jãnhkri nỹtĩn kỹ, tag vỹ ẽg mỹ há han tĩ kar ẽg tỹ Jeová mỹ vĩ há han nỹtĩ gé.

1. Ẽg hã ren kỹ ũn jãnhkri nỹtĩnh ke mũ?

Jeová vỹ ẽg mỹ tó, ẽg tỹ “vẽjykre há” hã han jé. (1 Pedro 1:16) Ẽg tỹ vẽjykre hã han jé, ẽg tỹ corpo jãnhkri ke nỹtĩ kar ẽg jykre kã ki vỹ jãnhkri nỹtĩ gé. Ẽg tỹ vẽnh kygpe ke nỹtĩ, ẽg kur ag kar ẽg ĩn ag vỹ jãnhkri nỹtĩ kar ẽg kamĩjũ vỹ jãnhkri nỹtĩ gé. Vẽnhmãn Han Fã tá, ẽg tỹ jãnhkri tĩ gé. Ẽg tỹ ge han kỹ, ẽg tỹ Jeová mỹ vĩ há han tĩ. — 2 Corinto 6:3, 4.

2. Nén ũ ag tỹ ne ẽg kavénh han tĩ?

Topẽ Vĩ Rá vỹ ẽg mỹ ke tĩ, ẽg tỹ ‘nén ũ kavéj han ke tũ nĩ. To jykrén han ke tũ ẽg nĩ gé’. (2 Corinto 7:1) Kỹ ẽg tỹ vãsãnsãn kãn, ẽg tỹ nén ũ kórég ag han tũ nỹtĩ jé, ẽg corpo ki kar ẽg jykre kã ki. Jo ẽg tỹ nén ũ ag to jykrén ra, ẽg tỹ Jeová mỹ há han sór tĩ. Tag tugnĩn ẽg pi nén ũ kórég ag to jykrén tĩ. (Salmo 104:34) Kar sir, ẽg tỹ ũn mré vãmén kỹ, ẽg pijé vẽnh vĩ kónãn tugtó tĩ. — Colossos 3:8 le kem nĩ.

Nén ũ ag tỹ ne ẽg kavénh han tĩ? Nén ũꞌũ ag vỹ ẽg mỹ kórég han tĩ. Tag tugnĩn, ẽg pi sĩgar kar sĩgar kórég ko tĩ. Ẽg tỹ ge han kỹ, ẽg tỹ há nỹtĩ. Kar ẽg tỹ ẽg vida ki rĩr há nỹtĩ. Ẽg hã ren kỹ ẽg vẽjykre há han ke mũ? Ẽg tỹ nén ũ vẽnh mỹ hyn han tũ nỹtĩn kỹ, ẽg pi masturbação a kar ẽg pi pornografia b vég tĩ. (Salmo 119:37; Eféso 5:5) Kejẽn ẽg mỹ jagy nĩ, ẽg tỹ nén ũ tag ag tovãnh jé, hã ra Jeová tỹ ẽg ajũna kenh ke mũ, ẽg tỹ ge han jé. — Isaías 41:13 le kem nĩ.

 VẼNH KANHRÃN KÃFÓR NĨ

3. Ẽg nén ũ tỹ jãnhkri nỹtĩn kỹ, ẽg tỹ Jeová mỹ vĩ há han tĩ

Ẽg tỹ Jeová vỹ Israel krẽm ag mỹ lei han ja, kỹ ẽg tỹ hã le ken kỹ, ẽg tỹ ki kanhrãnrãn kỹ, ti tỹ ẽg jãnhkri ve sór vã. Êxodo 19:10 kar 30:17-19 le kem nĩ. Kar jagnẽ mrẽ vãmén nĩ, nén ũ tag ag to:

• Vẽnh rá ag ẽg mỹ ne ven tĩ, Jeová ne ãkrén tĩ, ũn jãnhkri to?

• Nén ũ ag tỹ ne ã ajũna ke tĩ, ã tỹ tỹ ũn jãnhkri nĩnh jé?

Ẽg tỹ vãsãnsãn ke nỹtĩ, ẽg nén ũ tũ ag vỹ jãnhkri hã ki nỹtĩ jé. Cidade ki, ke tũ nĩn kỹ , área tá kanhgág ag nỹtĩ nĩ fã tá, ẽg ĩn tỹ tỹ jãnhkri nỹtĩ. Ẽg tỹ riko nỹtĩn kỹ, ke tũ nĩn kỹ ẽg tỹ jãnkamy tũ nỹtĩn kỹ, ge ra ẽg tỹ tỹ ũn jãnhkri nỹtĩnh mũ. Ha vé VÍDEO ti. Kar jagnẽ mré vãmén nĩ, tag to:

• Ẽg tỹ Topẽ vĩ to kãmén mũn kỹ, ẽg tỹ nén ũ ag tỹ jãnhkri kỹ, tag hã ren kỹ Jeová mỹ vĩ há han ke mũ?

4. Nén ũ vẽnh mỹ ag tugvãnh nĩ

à tỹ sĩgar, ke tũ nĩn kỹ sĩgar kórég kon kỹ, kejãn ã mỹ jagy nĩ, ã tỹ nén ũ tag tugvãnh jé. Ne nỹ ã ajũna kenh mũ? Mĩ ãkrén nĩ, nén ũ tag vỹ ã mỹ kórég han tĩ. Mateus 22:37-39 le kem nĩ. Kar jagnẽ mré vãmén nĩ, tag to: à tỹ sĩgar, ke tũ nĩn kỹ sĩgar kórég kon kỹ, tag hã ren kỹ . . .

• ã Jeová mré há to krónh ke?

• ã família kar ã mré ke ag kókén tĩ?

Ãkrén há han nĩ, ã ne han ke mũ ti to, ã tỹ nén ũ vẽnh mỹ ẽn tovãnh jé. c (Ha vé vẽnh rá sĩ ti.) Ha vé VÍDEO ti.

Filipos 4:13 le kem nĩ. Kar jagnẽ mré vãmén nĩ, tag to:

• Ẽg tỹ Topẽ mré vĩn kỹ, ẽg tỹ Topẽ Vĩ Rá to kanhrãnrãn kỹ kar ẽg tỹ vẽnhmãn ag ra mũn kỹ, tag hã ren kỹ ẽg ajũna ke tĩ, ẽg tỹ nén ũ vẽnh mỹ ẽn tovãnh jé?

 5. To vãsãn nĩ, ã pi jykre kórég ag nĩnh jé kar ã tỹ vẽjykre há han nĩnh jé

Colossos 3:5 le kem nĩ. Kar jagnẽ mré vãmén nĩ, nén ũ tag ag to:

• Ẽg hã ren kỹ ki kanhró nỹtĩ, pornografia ti, nudes ti kar masturbação ti, ag tỹ tỹ nén ũ kórég nỹtĩ, Jeová mỹ? d — Ha vé vẽnh rá sĩ 1 ti.

• Ã hã mỹ, ẽg mỹ tỹ ũn jykre há nỹtĩnh ke mũ hãn? Mỹ ne tugnĩn?

Ha vé ã hã ren kỹ to vãsãn kãn ke mũ, ã tỹ jykre kórég ag tũ nĩ jé. Ha vé VÍDEO ti.

Jesus tóg vẽnh kãme kãmén mũ, ẽg kanhrãnrãn jé ẽg tỹ vẽjykre há han ke nỹtĩ. Mateus 5:29, 30 le kem nĩ. Kar jagnẽ mré vãmén nĩ, tag to:

• Jesus vỹ tó ja, ẽg tỹ vãsãnsãn kãn ke nỹtĩ, ẽg tỹ nén ũ há ag hyn han jé. Ã ne han ke nĩ, ã tỹ nén ũ kórég ag to jykrén tũ nĩ jé? e — Ha vé vẽnh rá sĩ 2 ti.

à tỹ to vãsãn kỹ, ã tỹ jykre kórég ag tũ nĩ jé, Jeová vỹ ã ve há han ke mũ. Salmo 103:13, 14 le kem nĩ. Kar jagnẽ mré vãmén nĩ, tag to:

• Kejẽn, ã mỹ jagy nĩ, ã tỹ nén ũ vẽnh mỹ ẽn tovãnh jé. Vẽnh rá tag hã ren kỹ ã ajũna kenh ke mũ, ã tỹ nén ũ vẽnh mỹ ẽn tovãnh jé?

 Ã NE KANHRÃN JA TI

Ẽg tỹ ẽg corpo jãnhkri nỹtĩn kỹ, ẽg tỹ ẽg jykre kã ki jãnhkri nỹtĩn kỹ, kar ẽg tỹ vẽjykre há han kỹ, ẽg tỹ Jeová mỹ há han tĩ.

Jykrinkrén mũ

• Ne tugnĩn ẽg mỹ há nĩ, ẽg tỹ tỹ ũn jãnhkri nỹtĩn kỹ?

• Ã ne han ke nĩ, ã nén ũ tỹ jãnhkri nỹtĩ jé?

• Ã ne han ke nĩ, ã tỹ vẽjykre há han jé, kar ã jykre kã ki vỹ jãnhkri nĩnh jé?