ĨSOMO YA 4
Yesũ Nĩwatavanisye Ĩngĩ Yutia
“Voyai mũnene wa ngetha atũme atethya ma wĩa.”—Luka 10:2
KĨLUNGUNĨ KĨĨ
KĨLUNGU KYA 66
Yesũ e Yelusaleme Kwondũ wa Mboka ya Ivanda
Nĩ kyaũ kyaĩ kĩtonya kũtuma ala mamwĩthukĩĩsye Yesũ masya kana e na ndaimoni?
KĨLUNGU KYA 67
“Vaiĩ Mũndũ Ũngĩ o na Ũmwe Waaneena ta Ũsu”
Andũ onthe nthĩnĩ wa Nzama ya Ayuti nĩmamũvĩngaa Yesũ, ĩndĩ ũmwe woo nĩwatwie kũmũtetea Yesũ.
KĨLUNGU KYA 68
Mwana wa Ngai Nĩwe “Kyeni kya Nthĩ”
Yesũ eeie andũ kana ‘ũla w’o ũkamathasya.’ Andũ asu mesaa kũthaw’a kuma va?
KĨLUNGU KYA 69
Ĩthe Woo Nĩ Avalaamu Kana Nĩ Ndevili?
Yesũ nĩwoonanisye ũndũ syana sya Avalaamu syaĩle kwĩka, na aelesya Ĩthe wake nũũ.
KĨLUNGU KYA 70
Yesũ Nĩwavoisye Mũndũũme Wasyaĩtwe e Kĩlalinda
Amanyĩw’a nĩmakũlilye nĩkĩ mũndũũme ũsu waĩ kĩlalinda. We mũndũũme ũsu nĩwĩthĩwa eekĩte naĩ? Asyai make nĩmethĩwa nemo meekĩte naĩ? Andũ maĩ na mawoni me kĩvathũkany’o ĩtina wa Yesũ kũvosya mũndũ ũsu.
KĨLUNGU KYA 71
Avalisi Nĩmakananĩie na Ũla Mũndũ Waĩ Kĩlalinda
Ũla mũndũũme wasyaĩtwe e kĩlalinda na avow’a nĩwaeleisye maũndũ kwa nzĩa nzeo na ũu watuma Avalisi mamũthatĩa. O ũndũ asyai ma mũndũũme ũsu makĩaa maikese kũlũngw’a ĩsinakokenĩ, now’o Avalisi meekanie na mwana woo.
KĨLUNGU KYA 72
Yesũ Nĩwatũmie Amanyĩw’a 70 Makatavany’e
Yesũ e Yutia, nĩwatũmie ala amanyĩw’a 70 ma Ũsumbĩ, amatũmie me ikundi sya andũ elĩ elĩ. Amanyĩw’a matavanasya va, masinakokenĩ kana mĩsyĩ kwa andũ?
KĨLUNGU KYA 73
Mũsamalia Woonanisye Kana Nĩ Mũtũi Mũseo
Yesũ atũmĩie ata ngelekany’o ya “Mũsamalia mũseo,” kũmanyĩsya ĩsomo ya vata mũno?
KĨLUNGU KYA 74
Yesũ Nĩwamanyĩisye Maũndũ ma Vata Ĩũlũ wa Ũlau na Mboya
Yesũ nĩwaendie mũsyĩ kwa Meli na Matha. E vau amanyĩisye kyaũ ĩũlũ wa ũlau? Na ĩtina eeie amanyĩw’a make maĩle kũvoya ĩũlũ wa maũndũ meva?
KĨLUNGU KYA 75
Yesũ Nĩwoonanisye Ũndũ Tũtonya Kũkwata Ũtanu
Yesũ nĩwatavisye ala mamũneeneaa naĩ ĩũlũ wa “kyaa kya Ngai” na ũndũ Ũsumbĩ wa Ngai wamavĩtũkie. O na ĩngĩ, nĩwoonanisye kĩla andũ maĩle kwĩka nĩ kana methĩwe na ũtanu wa w’o.
KĨLUNGU KYA 76
Yesũ Ayĩĩsanĩa na Mũvalisi
Yesũ nĩwavuanisye wangangany’a wa aandĩki na Avalisi. Nĩ mĩio yĩva mĩito ĩla makuĩthasya andũ?
KĨLUNGU KYA 77
Yesũ Nĩwanenganie Ũtao Ĩũlũ wa Ũthwii
Yesũ nĩwanenganie ngelekany’o ĩũlũ wa mũndũ mũthwii ũla waakie makũmbĩ manene. Yesũ atũngĩlĩĩile ũtao wĩva ĩũlũ wa mĩisyo ĩla tũkwataa twamantha mothwii?
KĨLUNGU KYA 78
Mũũngamĩi wa Nyũmba Mũĩkĩĩku Aĩle Kwĩkalaa Eyũmbanĩtye!
Yesũ nĩwoonanisye kana nĩwendaa amanyĩw’a make maendeee nesa kĩ-veva. Mũũngamĩi wa nyũmba esaa kwĩka ata nĩ kana amanyĩw’a maendeee nesa kĩ-veva? Nĩkĩ ũtao ũla Yesũ wanengie amanyĩw’a make wa kwĩkala meyũmbanĩtye waĩ wa vata mũno?
KĨLUNGU KYA 79
Nĩkĩ Ayuti Ala Mataĩ na Mũĩkĩĩo Makilyĩ Kwanangwa?
Yesũ aisye kana andũ ala watetheeasya makaanangwa malea kwĩlila. Mo nĩmesaa kũkwatya ũndũ wa vata ũla Yesũ wamamanyĩasya ĩũlũ wa ngwatanĩo yoo na Ngai?
KĨLUNGU KYA 80
Mũĩthi Mũseo na Itũũ sya Malondu
Ngwatanĩo ĩla yĩthĩawa vo katĩ wa mũĩthi na malondu make nĩyonanasya nesa ũndũ Yesũ wĩw’aa ĩũlũ wa aatĩĩi make. Mo aatĩĩi ma Yesũ nĩmesaa kũelewa momanyĩsyo make na kwĩtĩkĩla amatongoesye?
KĨLUNGU KYA 81
Nĩ kwa Nzĩa Yĩva Yesũ na Asa Nĩ Kĩndũ Kĩmwe?
Ayuti amwe mamũmenete Yesũ maasya kana Yesũ easya eanene na Ngai. Nĩ kwa nzĩa yĩva Yesũ watũmĩie ũĩ nĩ kana aleane na ndeto syoo sya ũvũngũ?
