“Emu Basileia Do Ia Mai”—Taunimanima Milioni Momo ese Idia Gwauraia Loulou Gurigurina
Nega ta Dirava ena Basileia do ia mai totona oi guriguri, a? Lagani momo ai, taunimanima milioni momo be inai guriguri ena hereva, “Emu basileia do ia mai” idia gwauraia loulou. Dahaka dainai? Badina Iesu ese ena murinai idia raka taudia ia hamaorodia Dirava ena Basileia totona do idia guriguri.
Matamanai, Iesu ena murinai idia raka taudia be Basileia totona ia gwauraia hereva ibounai idia lalopararalaia lasi. Nega ta Iesu idia nanadaia: “Lohiabada e, inai nega ai oi ese Israela dekenai basileia do oi henia lou, a?” Iesu ese maoromaoro idia dekenai haere ia henia lasi neganai, reana idia daradara. (Kara 1:6, 7) Unai ena anina be, Dirava ena Basileia be dahaka bona edena negai do ia mai do ita dibaia lasi, a? Lasi!
Inai Gima Kohorona ese oi do ia durua inai henanadai edia haere oi davaria totona:
Dahaka dainai ita ura Dirava ena Basileia do ia mai?
Dirava ena Basileia ena King be daika?
Edena negai Dirava ena Basileia ese tanobada do ia lohiaia?
Dirava ena Basileia ese dahaka do ia hagugurua?
Dahaka dainai hari Dirava ena Basileia ita durua be namo?
Dirava ena Basileia be dahaka
Reana Inai Danu Oi Ura
MAI ANINA BADA BAIBEL HADIBAIA HEREVADIA
Dirava Ena Basileia be Dahaka?
Iesu ena hesiai gaukara negana lalonai, iena hahediba herevadia ibounai amo Dirava ena Basileia herevana ia hadibaia momo. Lagani handred momo lalonai, ena murinai idia raka taudia be Basileia ia mai totona idia guriguri.
