Baibel ia gwau lasi Aramagedono be gabu tamona do ia vara, to tanobada ibounai ai do ia vara, unai be Dirava ese taunimanima ena gavamani ibounai ia tuari henia negana.

•   “Demoni edia hereva . . . be tanobada ibounai edia king taudia dekenai idia lao, vadaeni unai king ibounai idia haboua, Siahu Ibounai Diravana ena dina badana ena tuari totona. . . . Idia ese unai king taudia be gabu ta dekenai idia haboua, Heberu gado ai, unai gabu ena ladana be Aramagedono—Apokalupo 16:14,16.

 Inai hereva “Aramagedono” be Heberu gado herevana Har Meghid·dohnʹ amo, anina be “Megido Ororona.” Megido be idaunega Israela ai ia noho siti ta. Unai dainai, taunimanima haida idia laloa Aramagedono be Israela dekenai do idia tuari. To, Megido ia noho gabuna eiava Middle East ai ia noho gabuna ta be ia hegeregere lasi “tanobada ibounai edia king taudia” bona edia tuari taudia idia haboua totona.

 Apokalupo bukana be “toa amo” eiava laulau herevadia amo idia torea. (Apokalupo 1:1) Aramagedono be gabu ta ia herevalaia lasi, to ia be tanobada ena kahana ibounai ai do ia vara gauna ia herevalaia. Bese idauidau be nega ginigabena do idia haboua Dirava ida idia tuari totona.​—Apokalupo 19:11-16, 19-21.