Mase Taudia Idia Toreisi Lou Diba, A?
Emu haere be . . .
-
oibe?
-
lasi?
-
reana?
BAIBEL IA GWAU
“Mase taudia be do idia mauri lou.”
UNAI GWAUHAMATA ENA NAMO
Emu lalona do ia goada, herevana oi lalokau henia taudia idia mase.
Mase garina do oi gari lasi.
Oi diba oi lalokau henia taudia be mase amo do idia toreisi lou.
BAIBEL ITA ABIDADAMA HENIA DIBA, A?
Oibe, badina toi be inai:
-
Dirava be mauri ena badina. Baibel ia gwau Iehova Dirava ese “taunimanima ibounai dekenai mauri, laga bona gau ibounai ia henia.” (Kara 17:24, 25; Salamo 36:9) Mauri gaudia ibounai ia karaia Diravana ena siahu be ia hegeregere, ia mase vadaeni tauna ia hamauria lou totona.
-
Idaunegai, Dirava ese haida ia hatoredia isi lou. Tanobada ai, taunimanima eit
—burukadia, tatau, hahine, memero, kekeni —idia toreisi lou ena sivarai be Baibel ese ia herevalaia. Idia haida be nega sisina sibona murinai idia mauri lou, to tamona sibona be dina foa murinai guria gabuna amo ia toreisi lou! —Ioane 11:39-44. -
Dirava ia ura mase taudia ia hatoredia isi lou. Iehova be mase ia inai henia. (1 Korinto 15:26) Ia ura mase do ia ore momokani. Unai ena anina be Dirava ia ura, ia laloatao taudia ia hatoredia isi lou bona tanobada ai idia mauri hanaihanai.
—Iobu 14:14, 15.
MANI OI LALOA
Dahaka dainai ita buruka bona ita mase?
Haere be inai Baibel siridia dekenai: GENESE 3:17-19 bona ROMA 5:12.
Reana Inai Danu Oi Ura
GIMA KOHORONA
Mase Taudia be mai Edia Helaro—Edena Bamona Oi Hamomokania Diba?
Toreisi lou herevana ita abia dae totona Baibel be badina rua ia herevalaia.
AI KARAIA GAUDIA
Dahaka Dainai Baibel Stadilaia?
Tanobada ibounai, taunimanima milioni momo edia henanadai badadia be Baibel ese ia haerelaia. Oi ura Baibel amo heduru oi abia, a?
