yashayah 21:1-17
21 samudri veerane* ke khilaf yah sandesh sunaya gaya:+
dekho! veerane se, us daravne desh se,aisa vinash aa raha hai, jaise dakshin se aandhi aati hai.+
2 mujhe ek bhayanak darshan dikhaya gaya:
dagabaz nagri daga de rahi hai,naash karnevali nagri naash kar rahi hai.
hey elam, us par chadhai kar! hey maadai, use gher le!+
us nagri ne jo-jo dukh diye hain, unhein main door kar doonga.+
3 yah darshan dekhkar main dard se chhatpatane laga hoon,*+mujhe aisi peeda ho rahi hai,jaise bachcha jannevali aurat ko hoti hai.
main itna dukhi ho gaya hoon ki kuch sunayi nahin deta,itna ghabra gaya hoon ki kuch dikhayi nahin deta.
4 mera dil zoron se dhadak raha hai, main thar-thar kaanp raha hoon,
shaam ke jis pehar ka mujhe intazar rehta tha, ab usi se dar lagne laga hai.
5 mez saja do, baithne ka intazam karo, khaao-peeo!+
hey haakimo, utho! dhaal ka abhishek karo.*
6 yahova ne mujhse kaha,
“jaa, jaakaar ek pehredar tainat kar ki woh jo kuch dekhe uski khabar tujhe de.”
7 usne kya dekha,ek yuddh-rath jise do ghode tezee se dauda rahe the,ek aur yuddh-rath jise gadhe dauda rahe the,ek aur yuddh-rath jise unt bhaga rahe the.
woh dhyan se unhein dekhta raha, un par taktaki lagaye raha.
8 fir usne sher ki tarah garajkar kaha,
“hey yahova, main har din pehre ki meenar par pehra deta hoon,har raat pehre ki chauki par tainat rehta hoon.+
9 aur mainne kya dekha,do ghodonvala rath aa raha hai jis par sainik savaar hain.”+
fir usne chillakar kaha,
“gir padi! baibilon nagri gir padi!+
uske devtaon ki khudi hui sab moortein chaknachoor ho gayin!”+
10 hey mere raunde gaye* logo,hey mere khalihan ka anaj,+mainne israel ke parmeshvar, senaon ke parmeshvar yahova se jo suna, woh tumhein bata diya.
11 dooma* ke khilaf yah sandesh sunaya gaya:
koi seir se mujhe aavaz laga raha hai,+“pehredar! raat kab khatm hogi?
pehredar! raat kab khatm hogi?”
12 pehredar ne javab diya,
“subah bas honevali hai aur fir raat ho jaayegi.
agar tum kuch aur poochhna chahte ho to poochho.
dobara aana!”
13 registan* ke khilaf yah sandesh sunaya gaya:
hey dadan ke kaarvaan,tum registan mein jhaadiyon ke paas* raat kaatoge.+
14 hey tema ke rehnevalo,+pyase logon ke liye paani laao,bhaagnevalon ke liye roti laao.
15 kyonki woh talvar se, khinchi hui talvar se bhaag rahe hain,woh tane huye kaman se aur ghamasan yuddh se bhaag rahe hain.
16 yahova ne mujhse kaha, “theek ek saal ke andar* kedar ki saari shaan+ mit jaayegi.
17 uske yoddhaon mein bahot kam teerandaz bacheinge kyonki yah baat israel ke parmeshvar yahova ne kahi hai.”
kai footnote
^ zahir hai ki yahaan pracheen baibiloniya ke ilake ki baat ki gayi hai.
^ shaa., “meri kamar dard se bhar gayi hai.”
^ ya “par tel malo.”
^ shaa., “daanve gaye.”
^ matlab “sannata.”
^ ya “pathar; banjar ilake.”
^ shaa., “jangal mein.”
^ shaa., “ek saal, jaise mazdooron ke hote hain.” mazdoori ka samay pehale se tay hota tha, ek bhi din ghataya-badhaya nahin jaata tha.
