mika 2:1-13
2 “dhikkar hai un par, jo bure kaamon ki yojna banate hain,jo bistar par lete-lete saazish rachte hainaur subah hote hi use anjam dete hain,
unke paas aisa karne ki taakat jo hai.+
2 woh kheton ka laalach karke unhein hadap lete hain,+gharon ka laalach karke unhein bhi hathiya lete hain.woh dhokha dekar ek aadmi se uska gharaur uski virasat chheen lete hain.+
3 isliye yahova kehta hai,
‘mainne is gharane par ek vipatti laane ki sochi hai,+ jisse tum bach nahin sakoge.*+
tum fir kabhi ghamand se foolkar nahin chaloge+ kyonki woh vipatti ka samay hoga.+
4 us din log tumhare baare mein kahavat kaheinge aur tumhare haal par zor-zor se royenge.+
woh kaheinge, “hum to poori tarah tabah ho chuke hain!+
usne hamare logon ki zameen kisi aur ko de di.
hamari hi zameen hamse chheen li!+
hamare khet ek avishvasi ko de diye.”
5 isliye yahova ki mandli mein aisa koi nahin hoga,jo naapne ki dori se zameen naapkar baantega.
6 woh kehte hain, “prachar karna band karo!in baaton ka prachar mat karo.hamein sharminda nahin hona padega.”
7 hey yakub ke gharane, tu kehta hai,
“kya yahova* besabraa ho gaya hai?
kya woh sachmuch aisa karega?”
kya meri baatein seedhai se chalnevalon ki bhalai nahin kareingi?
8 lekin kuch vakt se mere apne hi log dushman ban baithe hain.
tum sareaam un raahgeeron ko lootte ho, jo yuddh se lautnevalon ki tarah bekhauf chalte hain.
tum unke kapdon se* sundar-sundar cheezen utarva lete ho.
9 tum meri praja ki aurton ko unke pyare aashiyane se khaded dete ho,unke bachchon se woh achhi-achhi cheezen hamesha ke liye chheen lete ho, jo mainne unhein di thi.
10 utho aur jaao, ab yah jagah aaram karne ke liye nahin rahi,yah ashuddh ho gayi hai,+ isliye ise barbad hona hai.
yah barbadi bahot dardnak hogi!+
11 agar koi aadmi khokhli aur jhoothi baaton ke peechhe jaaye aur kahe,
“main tumhein daakh-madira aur sharab ke baare mein bataunga,”
to logon ko vahi pracharak achha lagega.+
12 hey yakub, main tum sabko zaroor ikattha karoonga,haan, main israel ke bache huon ko ikattha karoonga.+
main unhein ekta mein aise rakhoonga,jaise bhedein ek-saath baade mein rehti hain,jaise bhedon ka jhund charagah mein charta hai+aur woh jagah logon ke shor se goonj uthegi.’+
13 raja apne logon ke liye raasta nikaalega,log uske peechhe-peechhe chaleinge aur faatak se nikaal aayenge.+
unka raja unke aage-aage jaayegaaur yahova un sabki aguvai karega.”+
