Gɔwɔ ə tɔɔ Vizaa 2016, La Tour de garde ŋɛi gwa kɛ dɛɛ nua pɔ, mɛni ninɛ ta kaa bulu diɛ kɛ ma “ Que dit la Bible ? ” Mɛni ninɛ tii a kpɔnmaa tɛɛ gu pɔ, guɔ lono kɔwɔtɔɔ yɛ hwilɛn na Biblə hu mɛniɠaa diɛ. Gɛ pələ kaa lɔ yɛ guɔ hɛɓɛlaaɠaai gwa kɛ Yálá Lawoo laa həlii la. Kɛɛmaalən da kaa la, yii mukulaa kaa Vɛlisɛɛ hu, ə lɛɛ nwɔnɔ kiliŋahiɛɠaa kaa laa yii gwa pɛli lono kɛi mɛi.

Lono lɛlɛɛɠaa yii vilɛnŋaa Biblə hu mɛniɠaa diɛ, da gɛ nua di Biblə kalan. Yili ɓa gu mɛni ninɛ tii həɠə ɉu ə gɛ gu kpɔnmaa tɛɛ nu mɔlɔɓəlaa pɔ di Yálá kɔlɔn (Mat 5:6).

1. Nui ə́ kaa pai gaai, maaləngɛ ə ŋɔ kiliŋahiɛ lɛ yɛ hwilɛn na gɛɛmaalənŋaa di kaa laa da ɓa.

2. Ə́ wəli tɔɔ kpɔ a nɛlɛɛ, ə lɛɛ ə́ mamaɓo gɛɛmaalən tii mukulɔ mɛni ɓa.

3. Vɛlisɛɛ ŋɛi gaa “ Ce Que la Bible dit ? ” kɛɛnaa mo, ə lɛɛ ə́ ŋɔ kiliŋahiɛ kɔlɔn yɛ hwilɛn na ma. Lowai a kɛ ɲəi ka lono kɛ “ Ce que la Bible dit encore à ce sujet ? ” mɛi.

4. Nwɛlɛɛ hɛɓɛ tɛɛ bɔ.

5. Gɛ pələ kwɛli ma ə́ pənə ə́ li ka lono kɛ gɛɛmaalən veelɛnaa mɛi.