Kimoun ki pouvé vini ?

Tout moun byenvini. Ou pouvé envité ou zanmi, épi ou pouvé vini ké ou fanmi osi.

Konmyen tan program-an ké diré ?

Sa ké diré apéprè inèrdtan.

Koté sa ké fèt ?

Doumandé Témwen Jéova-ya. Yé ké bay ou enfòrmasyon pou ou koté.

Ès i gen roun bagaj pou péyé ouben ès mo ké blijé fè ròt bagaj ké Témwen Jéova-ya apré sa ?

Non.

Ès i ké gen lakèt ?

Non. I pa janmen gen lakèt annan réinyon Témwen Jéova-ya (Matthieu 10:8).

Ès i gen roun lenj èspésyal pou mété ?

Non. Mé Témwen Jéova-ya ka fè éfòr mété roun lenj ki korèk é ki ka montré yé gen rèspè pou sa lévènman-an ki sakré.

Kisa ké pasé pannan Mémoryal-a ?

I ké gen roun diskour ki ka apiyé asou Labib-a, ki ké èspliké poukisa lanmò Jézi enpòrtan, é kouman nou pouvé trapé bénédiksyon grasa sa Bondjé ké Jézi Kris fè pou nou. Réinyon-an ké koumansé ké fini ké roun kantik ké roun lapriyè.

Pou plis détay asou sa, gadé artik-a « Pourquoi les Témoins de Jéhovah célèbrent-ils le Repas du Seigneur différemment des autres religions ? »

Lannen-yan ki ka vini, kitan Mémoryal-a ké fèt ?

2027 : lendi 22 mars

2028 : dimanch 9 avril

2029 : jédi 29 mars