Veivakadeitaki
Veivakadeitaki
Raica Tale Ga
DOKAI NOMU DODONU
Keimami raica vakabibi na taqomaki kei na maroroi ni kemu itukutuku. E vakamacalataki ena idusidusi qo na sala ena vakayagataki kina na kemu itukutuku ena neimami website kei na so tale na app e vakayagataka neimami soqosoqo. Ena vakatakilai eso na kemu itukutuku ni o vakayagataka na neimami website, ia keimami kila ni bibi me maroroi na itukutuku qori, me vakaraitaki tale ga vei kemuni na sala ena vakayagataki kina. Me salavata kei na idusidusi qo, na itukutuku ena rairai vinakati mo vakatakila e okati kina na yacamu, nomu imeli, katonimeli, naba ni talevoni, kei na so tale na kemu itukutuku. E sega ni gadrevi mo solia na kemu itukutuku ke o via raica na ka e vakarautaki ena neimami website. Na vosa “website” e okati kina na website qo, kei na so tale na ka e vakarautaki me vaka na apps.jw.org, ba.jw.org, stream.jw.org, kei na wol.jw.org.
IVAKAVAKAYAGATAKI NI ITUKUTUKU
E vakarautaka na website qo na Watchtower Bible and Tract Society of New York, Inc, e sega ni rawatubu ia e tokona neimami cakacaka vakavunau qai vakarautaka na Vuli vakalou. Ke o dolava e dua na akaude ena website qo, se o cau, kerea mo vulica wale na iVolatabu, se dua tale na ka e vinakati kina mo vakatakila na kemu itukutuku, o sa vakadonuya mo muria na kena idusidusi vakarautaki. Ena maroroi tale ga na kemu itukutuku ena veivanua veiganiti e Merika, ena kumuna, vakayagataka, vakauta qai taqomaka na kemu itukutuku. E dui tu e veivanua na isoqosoqo kilai vakalawa e qarava nodra cakacaka na iVakadinadina i Jiova, e rawa ni okati kina na veivavakoso, valenivolavola ni tabana, kei na so tale na isoqosoqo era cakacaka vata kei ira na iVakadinadina i Jiova.
Na ivakavakayagataki ni kemu itukutuku e vakatau ena ka o cakava ena website. Kena ivakaraitaki, ke o vakau ilavo ina dua na isoqosoqo kilai vakalawa, ena vakau ina isoqosoqo qori na yacamu, nomu naba, kei na so tale na ka e rairai tarogi vei iko ni o vakalewena tiko na fomu. Koya gona, ke o kerea mo vulica na iVolatabu, ena vakau na yacamu, nomu naba, kei na nomu kerekere ina valenivolavola ni tabana se dua na ivavakoso ni iVakadinadina i Jiova ena nomu vanua.
Ke tiko ena nomu vanua na lawa e vauca na maroroi ni itukutuku, o rawa ni veitaratara ena Data Protection Contacts.
TAQOMAKI KEI NA MAROROI NI ITUKUTUKU
Keimami raica vakabibi na taqomaki kei na maroroi ni kemu itukutuku. E nuitaki na iwalewale e vakayagataki me maroroi kina na kemu itukutuku. Ni taqomaki vinaka na kemu itukutuku, ena sega ni raica se wilika e dua ga sa rawa, sega ni vakayagataki se vakatakilai vakaveitalia, sega ni veisautaki se boko e dua na ka, sega tale ga ni yali tawamacala. Era kila o ira kece na kumuna na itukutuku, kei ira eso era kerei mera veivuke ni dodonu mera maroroya na kemu itukutuku. Ena maroroi tiko na kemu itukutuku me yacova ni sa vakayacori na inaki a kerei kina, se ni sa oti na gauna e lavaki vakalawa me maroroi kina na itukutuku.
E taqomaki vinaka na kemu itukutuku ni vakau ina dua tale na vanua, qori ni vakayagataki na porokaramu ni kompiuta me vaka na Transport Layer Security (TLS). E tiko e dua na porokaramu ni kompiuta, e vakaiyalayala ga o ira na rawa ni vakayagataka. E taqomaka na kemu itukutuku e maroroi ina nomu kompiuta se vale. E dau dikevi wasoma tale ga na iwalewale e vakayagataki me maroroi qai taqomaki kina na kemu itukutuku. E raici vakabibi na maroroi kei na taqomaki ni kemu itukutuku me kua kina ni raica se wilika e dua.
GONE
Ke o dua na gone o qai via raica na neimami website, me rau veivuke na nomu itubutubu se o koya e qaravi iko tiko ni o vakalewena na kemu itukutuku. Ke rau vakadonuya na itubutubu se o koya e veiqaravi me vakalewena o gone na kena itukutuku ena website qo, rau vakaraitaka ni rau sa vakadonuya me muria o gone na idusidusi e vauca na vakayagataki ni website.
SO TALE ERA DAU VEIVUKE
O na dusimaki ena so na gauna ena website qo mo lai raica e dua tale na website ni dua beka na kabani e kerei me veivuke (kena ivakaraitaki, ena vakaleweni ni fomu ena internet). O na kila ni o sa tiko ina dua tale na website, ni duatani na kena irairai, sa na veisau tale ga na yaca ni website ena vanua e dau taipataki kina e cake. Ni o kere veivuke ena website qori, ratou na vakau itukutuku vei iko ena imeli se na text, ia keimami na dikeva nodra idusidusi, qori me vakadeitaki kina ni nodra idusidusi e tautauvata kei na kena e muri ena neimami website. Ia keimami sega ni lewa na porokaramu era vakayagataka.Koya gona ena vinakati mo muria na idusidusi e vakarautaki ena website qori. Ena sega ni tukuni vei keimami na sala e vakayagataki kina na kemu itukutuku, ena vinakati kina mo wilika vinaka nodra idusidusi ni bera ni o solia na kemu itukutuku. Ke tiko nomu vakatataro me baleta na nodra idusidusi o ira era dau kerei mera veivuke, yalovinaka rai ena nodra website.
Ni o vakayagataka na Google Map ena website qori, e vakaraitaka ni o sa vakadonuya na idusidusi ena Google Privacy Policy. Keimami sega ni lewa rawa na porokaramu, na app kei na Terms of Service ni Google. Koya gona ni o vakayagataka, o sa vakadonuya mo muria na idusidusi ena Google Maps se Google Earth Additional Terms of Service. Ena sega ni tukuni vei keimami na sala e vakayagataki kina na kemu itukutuku, ena vinakati kina mo wilika vinaka nodra idusidusi ni bera ni o solia na kemu itukutuku. Kua ni vakayagataka na Google Map ke o sega ni duavata kei na kena idusidusi.
VEIVEISAU E DAU VAKAYACORI
E vakayacori tu ga na veiveisau ena website qo ni gadrevi me vakavinakataki eso na ka e vakarautaki se ni vakacurumi eso na ka vovou. Na vuna? Ni veiveisau na lawa, na iyaya vovou vakalivaliva kei na iwalewale ni maroroi itukutuku ni toso na gauna. Ke veiganiti me veisau na idusidusi, ena laurai ena iwasewase qo na veiveisau e vakayacori me rawa ni kilai na itukutuku e kumuni kei na kena ivakavakayagataki.
SO TALE NA IVUKEVUKE
E dau vakayagataki eso tale na ivukevuke me vakavinakataki tiko ga kina na ivakavakayagataki ni neimami website. Kena ivakaraitaki, na porokaramu ni kompiuta na Active Scripting kei na JavaScript e vakatotolotaka nomu raica na ka o vaqara ena website. E sega ni rawa ni vakayagataki na porokaramu qori me download kina eso tale na porokaramu ni kompiuta se kumuna lo na kemu itukutuku.
Ena neimami website, e tiko ga na vanua e rawa ni vakayagataki kina na Active Scripting kei na JavaScript. E levu era dau vakayagataka qori, ia ena vakatau vei ira ke ra via vakayagataka ina dua na website. Tabaka na vanua e volai kina na Help mo raica na vanua o rawa ni vakayagataka kina na porokaramu e rua qori.