Raica sara na lewena

Raica na lewenivola

Na Website ni iVakadinadina i Jiova

Digia na Vosa vakaViti

JW LIBRARY

Me Download Qai Vakayagataka Vinaka na iVolatabu​—Android

Me Download Qai Vakayagataka Vinaka na iVolatabu​—Android

Na inaki levu ni JW Library meda wilika, meda vulica tale ga na iVolatabu.

Muria na idusidusi qo mo download qai vakayagataka vinaka na iVolatabu:

 Me Download na iVolatabu

E rawa ni download e vica na vakadewa ni iVolatabu mo wilika se vulica ni sega na Internet.

  • Dolava na kato qai tabaka na Bible mo raica na ivola kece ena iVolatabu.

  • Tabaka na Languages mo kila na iVolatabu kece e rawa ni download. Ena toka sara e cake na vakadewa o vakayagataka wasoma. Rawa ni o taipataka tale ga na yaca ni vakadewa se vosa mo wilika. Kena ivakaraitaki, taipataka na “int” mo raica na Kingdom Interlinear se “port” mo raica na iVolatabu vakaPotukali.

  • Na iVolatabu se bera ni download ena laurai kina na ivakatakilakila ni o. Tabaka na vakadewa me download. Ni sa download, ena yali na ivakatakilakila ni o. Tabaka tale mo rawa ni wilika.

Ke o sega ni raica na vakadewa ni iVolatabu o vinakata, yalovinaka qai tovolea tale ena dua na gauna. Ni toso na gauna ena vakarautaki e levu tale na vakadewa.

 Bokoca na iVolatabu

Rawa ni o bokoca na vakadewa ni iVolatabu o sa sega ni vakayagataka se me vagalalataki ga.

Dolava na kato ena imawi, tabaka na Bible, tabaka sara na Languages mo raica na vakadewa kece. Tabaka na ivakatakilakila e toka ena yasa ni vakadewa o via bokoca qai tabaka Delete.

 Vakavoutaki na iVolatabu

Toso na gauna ena vakavoutaki na iVolatabu o sa maroroya tu.

Na vakadewa me vakavoutaki ena vakatakilakilataki toka (refresh icon). Ni o tabaka, ena tukuni mai ni sa tiko na kena sa vakavoutaki. Tabaka na Download mo vakavoutaka, se tabaka Later mo wilika ga na kena sa tiko rawa.

Ena Feperueri 2015, a sevutaki na ka e vakarautaki qo ena JW Library 1.4, e rawa ni vakayagataki ena Android 2.3. Ke o se sega ni raica, yalovinaka muria na idusidusi ena Me Vakavoutaki ena ulutaga “Tekivu Vakayagataka na JW Library​—Android.”