Ena Maji, 2019, dua na ka na bisa ni uca e waluvu kina o Nebraska kei Iowa. E se qai vakadua me luvu na veiuciwai, ilatiniwai, vakacacani e levu na vale, ratou mate tale ga e le va na lewenivanua.

E ripotetaka na valenivolavola ni tabana e Merika ni sega ni dua vei ira na le 5,123 na dautukutuku era toka ena yasayasa qori e vakaleqai se mavoa. Ia e rauta ni le 84 na dautukutuku era tokitaki. Kuria ya e vakacacani vakalevu nodratou vale e le 8 na tacida, qai vakacacani ga vakalailai nodra vale e le 34 tale na tacida.

Ena nodra veitokoni na Tarataravaki e Qarava na Valenivolavola ni Tabana, era sa veivuke ena sasamaki na bolecakacaka ena ivavakoso voleka. Era sa veivakayaloqaqataki ra qai veivakacegui vakayalo na ivakatawa dauveilakoyaki vei ira na vakaleqai.

Meda masulaki ira tiko ga na tacida nira na vakacegui ena nodra veivuke na tacida, kei na iVolatabu ena gauna dredre qo.—2 Korinica 1:3, 4.