(Цӕуы 39:40)

Йесо ахуыр кӕны Никодимы, самариаг сылгоймаджы ӕмӕ Назареты цӕрджыты. Фӕлӕ йӕм адӕм се ’ппӕт хорз цӕстӕй нӕ ракастысты. Ацы серийы ӕвдыст цӕуынц ацы хабӕрттӕ:

• Йесо Никодимӕн ӕмбарын кӕны, ахсджиаг кӕй у, цӕмӕй адӕймаг донаргъуыд райса ӕмӕ цӕмӕй Хуыцауы сыгъдӕг тыхӕй схайджын уа ӕмӕ афтӕмӕй райгуыра (Иоанны 3:1–13)

• Ӕдзӕрӕг быдыры калм уӕлӕмӕ ист куыд ӕрцыд, афтӕ Адӕймаджы Фырт дӕр уӕлӕмӕ ист ӕрцӕудзӕн (Иоанны 3:14, 15)

• Хуыцау йӕ иунӕг Фырты дунемӕ уый тыххӕй нӕ рарвыста, цӕмӕй дунейӕн тӕрхон кӕна, фӕлӕ цӕмӕй дуне уый фӕрцы фервӕза (Иоанны 3:16–21)

• Иоанн фӕстаг хатт хъусын кӕны Йесойы тыххӕй (Иоанны 3:22–30)

• Уӕларвӕй чи ’рцыд, уыцы Фыртыл чи ӕууӕнды, уый хайджын уыдзӕн ӕнусон цардӕй (Иоанны 3:31–36)

• Иоанны ахӕстоны бакодтой (Марчы 6:17–20; Матфейы 4:12; 14:3–5; Лукайы 3:19, 20)

• Йесо ӕрцыд самариаг горӕт Сихармӕ ӕмӕ фӕлладӕй цъайы цур бады (Иоанны 4:1–6)

• Йесо самариаг сылгоймагимӕ ныхас кӕны (Иоанны 4:7–15)

• Йесо самариаг сылгоймагӕн дзуры, Хуыцауӕн кӕй хъӕуы куывын йӕ сыгъдӕг тыхы разамындмӕ гӕсгӕ ӕмӕ рӕстдзинадмӕ гӕсгӕ (Иоанны 4:16–24)

• Йесо самариаг сылгоймагӕн раргом кодта, Мессийӕ кӕй у (Иоанны 4:25, 26)

• Самариаг сылгоймаг иннӕтӕн Йесойы тыххӕй дзуры (Иоанны 4:27–30)

• Йесо Хуыцауы фӕндон бары хӕринагимӕ; Йесо дзуры «хуымтӕ» кӕрдынмӕ цӕттӕ кӕй сты (Иоанны 4:31–38)

• Самариӕгтӕй бирӕтӕ баууӕндыдысты, Йесо дунейы ирвӕзынгӕнӕг кӕй у, ууыл (Иоанны 4:39–42)

• Йесо райдыдта хъусын кӕнын Галилейӕйы (Иоанны 4:43–45; Марчы 1:14, 15; Матфейы 4:17; Лукайы 4:14, 15)

• Галилейаг горӕт Канӕйы Йесо сдзӕбӕх кодта паддзахы лӕггадгӕнӕджы фырты (Иоанны 4:46–54)

• Назареты Йесойыл нӕ баууӕндыдысты (Лукайы 4:16–30)

• Йесо цӕуы Капернауммӕ (Матфейы 4:13–16)

• Йесо сарӕзта диссаг – кӕсагахсджытӕ тынг бирӕ кӕсаг ӕрцахстой; фыццаг ахуыргӕнинӕгтӕ (Лукайы 5:1–11; Матфейы 4:18–22; Марчы 1:16–20)