Melu Noé, abuiñ bôt be nga bo é mam me ne abé. Atarga 6:5

Adam ba Eve be nga biéñ boan, ane abuiñ bôt é nga bo a si. Éyong te fe b’angel be nga biane Nzame ba be Satan.

Ane mbibia b’angel be nga so a si, be ñong menyôl mebôt naa be lukh binenga. É boan be nga biéñ be mbe édedaa ngul ye nget.

Éde si é nga mane dzèñ ye mbibia bemam. Kalare Nzame a dzô naa si é nga dzèn ye bôt bebé, mesiman meba me mbe ve abé abé.

 Noé a nga bèè Nzame. A nga long mura éwala ba luè naa arche (arka). Atarga 6:13, 14, 18, 19, 22

Noé a mbe mbemba môt. Jehovâ a nga dzô nye naa a zu mane dzaa é bôt ba bo abé ya ndôn medzim. Da yili naa medzim ma ye mane yalan si ése.

Ane Nzame a nga sili Noé naa a long arche (arka), a to’o ane mura éwala da yeng medzim a yôp. Noé a nga yiane ñinghlé nda-bôt dzéñ ye mindzang betsit bese.

Noé a nga kumu bôt naa ndôn medzim da ye so, ve bé dze ki nye bèè. Abuiñ ye été be nga pogho nye; éba bevokh be nga vini nye.

Éyong a nga mane long arche (arka), Noé a nga ñinghle betsit été.