Mbibiliani munofwanyeya miselu dha Mulugu obe mazu alebeliwe iyo onkalawo masaka abano. Museluyá onolagiha mukalelo wa okaana egumi yohagalala vina dhinfwanyelihu okosa wi nirumeliwe vamentoni va Mulugu. Ottiya ejo, Bibilia onowakula mavuzo aba anfwarela:

ONAWODHE DHAVI OFWAYA MAVERSU A MBIBILIANI

Bibilia ona manivuru owakwana 66 mang’ono. Ogawiwe dhipaddi bili, Malebo a Ebrayiko-Eramayiko (“Nipagano Nawale”) vina Malebo a Egregu (“Nipagano Niswa”). Malebo a Egregu otaganyihiwa wa manivuru 27, niromaga na mapadduwo a egumi ya Yezu Kristu. Nivuru tti nivuru nikaana makapitulu vina maversu. Nigaromoliwa nlebo, numeru noroma ninkala osogorho wa nzina na nivuruna, nintonya kapitulu vina numeru obe manumeru anfwarela anaddiwana versu obe maversu. Motagiha, Mateu 1:1 ninaddiwana Mateu kapitulu 1, versu 1.