Eki ori kubasa kukora kugira ngu okizeho kugasirwa n’aga mashomo g’omuri Bibuli
Banza oshwijume ebi bintu, rero bwanyima ozane VIDIYO.
EKICWEKA C’OKUBANZA
Waba ori kutebekanisa buri ishomo, shoma ekicweka c’okubanza. Ebibuzo ebiri kwiragura munonga (A) n’ebyahandikirwe (B) nibyereka enshonga nkuru. Ebyahandikirwe bimwe bihandikireho ngu “shoma.”
EKICWEKA C’AHAGATI
Ebigambo ebiri (C) ahaasi y’ekigambo Yega byingi nibishoborora ebi mwaza kwega. Otutwe tuce (D) nitugamba omu bugufu ebi murayege. Shoma ebyahandikirwe, garukamu ebibuzo, kandi orebe na za vidiyo ori n’omwegesa wawe.
ZA VIDIYO nizija kukizaho kukukwasa kushoborocerwa amashomo. Za vidiyo zimwe nizigamba ebintu ebyabireho. Ezindi nizigamba aha bantu ninga ebintu ebitarabireho konka biri kubasa kubaho.
Reba ebishushani n’ebigambo ebiri kubishoborora (E), kandi otekateke oku oragarukemu ahari kugira ngu, Abantu abamwe nibagamba ngu (F).
EKICWEKA C’AHA MUHERU
Ahari Empinye na Wayega ki? (G) nihahendera ekicweka. Handika ebiro ebi wamariraho kwega ishomo. Ahari Entego (H) nihakuha ekintu c’okukora. Ahari Condoza (I) harimu ebindi bintu ebi ori kubasa kushoma ninga kureba.
Oku ori kubasa kurondesa enyiriri omuri Bibuli
Bibuli erimu ebitabo 66. Ebyo bitabo biri omu mitwe ibiri, ari yo: Ebyahandikirwe by’Oruheburayo n’Oruramayika (“Endagano eya kare”) n’Ebyahandikirwe by’Orugurika bya Kikristo (“Endagano ensya”).
Omuri eki kitabo ku hari kukoresibwamu ecahandikirwe, nikitandika n’izina ry’ekitabo (A), hakurataho ekicweka (B), bwanyima hakurataho orunyiriri ninga enyiriri (C).
Ecokureberaho: Yohaana 17:3 nihamanyisa ekitabo ca Yohaana, ekicweka ca 17, orunyiriri rwa 3.
