Condoza ahantu ahari kwesigwa. Ebi ori kugamba bishemerire kuba byegamire ahari Bibuli, kandi caba kiri kwetengesa obishome. Wagamba aha byajumbwirwe omuri sayansi, ebyashohwire omu makuru, ninga ebyabire aha muntu, oshemerire kureba ku ni amazima kandi ku biri aha murembe.

Ebi watunga obigambe nk’oku biri. Oshemerire kushoborora ge ebyahandikirwe nk’oku biri, obibuganisa n’ezindi nkuru eziri kugambwa omuri Bibuli hamwe n’ebitabo by’‘Omwambari ow’omwesigwa kandi ow’omunyabwenge.’ (Mat 24:45) Ebihamya ebitari omuri Bibuli bikorese nk’oku biri, kandi otahindura eki owabihandikire yabire ari kumanyisa.

Shoborore okoresize ebyo bihamya. Waheza kushoma ecahandikirwe, koresa ebibuzo ninga shi ogambe ecokureberaho kugira ngu abakuhurikize babase kucenga ge enyegesa.