Mbehi abaafiire baryagaruka kubaho?
Nobaasa kugira ngu . . .
-
yego?
-
ingaha?
-
tindikumanya?
EKI BIBULI ERI KUGAMBA
“Haryabaho okuzooka.”—Ebyakozirwe 24:15, Runyankore-Rukiga Bible, 1964.
BIKWINIIRE MUGASHO KI?
Nibikuhumuriza omuntu wawe yaafa.—2 Abakorinso 1:3, 4.
Toragume orikutiina okufa.—Abaheburaayo 2:15.
Noyija kubugana abakundwa bawe abaafiire.—Yohaana 5:28, 29.
MBEHI TUSHEMERIIRE KWESIGA EBI BIBULI ERI KUGAMBA?
Yego, ahabw’enshonga nk’ishatu:
-
Yehova niwe waahangire amagara. Bibuli negira ngu Ruhanga niwe orikutuha amagara. (Zaaburi 36:9; Ebyakozirwe 17:24, 25) Ahakuba niwe yaahangire byona, mazima nabaasa kugarura abantu abaafiire.
-
Ruhanga akazoora abaafiire omubwire bwa kare. Bibuli negamba abantu munaana, abato, abakuru, abashiija n’abakazi, abazookire. Bamwe bakaba batakamazire obwire bafiire, kwonka omwe akaba amazire ebiro bina omu kituuro!—Yohaana 11:39-44.
-
Nambwenu Ruhanga nayenda kushuba kukikora. Yehova nayanga rufu; narureeba nk’omwangi. (1 Abakorinso 15:26) Nayenda munonga kwihaho omwangi ogwo, arikuzoora abaafiire. Nayija kuzoora abo arikwijuka boona, bashube babeho omu nsi.—Yobu 14:14, 15.
TEKYEREZA
Ahabw’enki turi kukura kandi tukafa?
Bibuli neshoboorora ekibuuzo ekyo, omuri OKUTANDIKA 3:17-19 na ABAROOMA 5:12.