“Haryabaho okuzooka.”​—Ebyakozirwe 24:15, Runyankore-Rukiga Bible, 1964.

Nibikuhumuriza omuntu wawe yaafa.​—2 Abakorinso 1:3, 4.

Toragume orikutiina okufa.​—Abaheburaayo 2:15.

Noyija kubugana abakundwa bawe abaafiire.​—Yohaana 5:28, 29.

Yego, ahabw’enshonga nk’ishatu:

• Yehova niwe waahangire amagara. Bibuli negira ngu Ruhanga niwe orikutuha amagara. (Zaaburi 36:9; Ebyakozirwe 17:24, 25) Ahakuba niwe yaahangire byona, mazima nabaasa kugarura abantu abaafiire.

• Ruhanga akazoora abaafiire omubwire bwa kare. Bibuli negamba abantu munaana, abato, abakuru, abashiija n’abakazi, abazookire. Bamwe bakaba batakamazire obwire bafiire, kwonka omwe akaba amazire ebiro bina omu kituuro!​—Yohaana 11:39-44.

• Nambwenu Ruhanga nayenda kushuba kukikora. Yehova nayanga rufu; narureeba nk’omwangi. (1 Abakorinso 15:26) Nayenda munonga kwihaho omwangi ogwo, arikuzoora abaafiire. Nayija kuzoora abo arikwijuka boona, bashube babeho omu nsi.​—Yobu 14:14, 15.