Kele vôm ô ne lañe de

Kele sous-menu

Bengaa be Yéhôva

Bulu

Bengaa be Yéhôva ba bo jé: Ye tyame menda me bôt, ye late me?

Bengaa be Yéhôva ba bo jé: Ye tyame menda me bôt, ye late me?

Bia jeñ a ngul ése na, bi late menda me bôt mese, menda me bôte mangan, a ma me bôte bevok. Bia semé Yéhôva Zambe amu nnye a ne mbôndé ya menda me bôt. (Metata’a 2:21-24; Beéphésien 3:14, 15) A zene ya Bible, Yéhôva Zambe a ve metiñe ma volô bôte bese na, be yeme ba’ale melu’u map, a nyiñe meva’a été.

Avale Bengaa be Yéhôva ba volô menda me bôte na, me yemete minkañe mi ne zañe jap

Bia jeñe fo’o na, bi tôñe melebe ya Kalate Zambe, amu ma volô bia na, bi bo mbamba beyôm, mbamba beyal, a mbamba bebiaé. (Minkana 31:10-31; Beéphésien 5:22–6:4; 1 Timothée 5:8) Fe’e bia nyoñ e Kalate Zambe été, ja volô menda me bôte mese na, me nyiñe meva’a été, ja’a menda me bôt, nnôme ba ngal be nji bo ñyebe wua. (1 Pierre 3:1, 2) Tame yene mbamba be mame bôte béziñe be nji bo Bengaa be nga jô, a lat a mefulu môte ba be be be ne nlu’an, a nga bi éyoñ a nga bo Ngaa Yéhôva:

  • “Mimbu mi samane mi ôsu bi nga nyiñ nsamba, bi mbe bi bo’o mejô éyoñ ése. Ve éyoñe Ivete a nga bo Ngaa Yéhôva, a mbe a ntoo ôjibi, a ébubute nlem. Ngul a nga ve na a tyendé, a nga nyii alu’u dangan.”—Clauir ya Brésil.

  • “Eyoñe nnôme wom Chansa a nga taté na a yé’é Kalate Zambe a Bengaa be Yéhôva, me nga vini jam ete amu me me mbe me buni’i na, ñyebe ôte wo tyame menda me bôt. Ve nté ane a nga taté na a yé’é, ma yene na, Kalate Zambe a volô fo’o alu’u dangan.”—Agnes ya Zambie.

Éyoñe bia kañete, bia liti bôte bevo’o avale fe’e ja so Kalate Zambe é ne volô be na:

  • Be yeme tobe môte ba ye luk

  • Mbu ôsu ya alu’u dap ô lôte mvo’é

  • Be yeme nyiñ a menda me bôte map

  • Be yeme belane moné

  • Be sa’ale bitom

  • Be yeme jamé, wua a jamé’é nyô mbok

  • Be yeme yale bone bap

Ye menda me bôte ma tyameban éyoñ môte wua y’été a bo Ngaa Yéhôva?

Nalé a ne fo’o kui biyoñe biziñ. Bi tame nyoñ éve’an: mbu 1998, wofis ba loene na Sofres, ô nga yene na, e melu’u 20 me bili môte wua a nga su’ulane bo Ngaa Yéhôva, alu’u da y’été é nga tôban abui minjuk éyoñe môt ate a nga bo Ngaa.

Yésus a nga jô na, e bôte ba tôñe miñye’elane mié, ba ye tôbane minjuk mi so’o menda me bôte map. (Matthieu 10:32-36) Ñyeme mam ba loene na Will Durant a nga jô na, éjôé Beromain, bôt “be mbe be bôté’é Bekristene ajô na, ba tyame menda me bôt.” * Dene fe, ba jô Bengaa be Yéhôva avale mam mete. Nde ñhe, ye nalé a tinane na, Bengaa be Yéhôva ba tyame menda me bôt?

Cour européenne des droits de l’homme

Éyoñe bôte béziñ be nga somane Bengaa be Yéhôva na ba tyame menda me bôt, aba mejô ba loene na ‘Cour européenne des droits de l’homme’ é nga jô na, ja’a bôte be nji bo Bengaa be Yéhôva be’ fe ba soo mejô menda me bôt, amu ba bene “semé miñyebe a kañese na, bibu’a ya menda me bôte map bi tobe ñyebe wop.” É nga ke ôsu a jô na: “E nji bo ve ajô Bengaa be Yéhôva étam, jam ete da kui e menda me bôte mese nnôme ba ngal be nji bo ñyebe wua.” * Ja’a éyoñ ba yeñ a bôte be nji semé miñyebe mivok, Bengaa be Yéhôva ba ke ôsu a toñe melebe ma so Kalate Zambe ma: ”Te bulane môt abé ba abé. . . . Nge e ne ngule ya boban, abim e ne be mia, taba’ane bôte bese mvo’é.”Beromain 12:17, 18.

Amu jé Bengaa be Yéhôva ba simesane na ba yiane lu’ane ve a Bengaa be Yéhôva bevok?

Bengaa ba tôñ atiñe ya Kalate Zambe da jô na, bi lu’an “ve be Tate étam,” nalé a tinane na, bi lu’an ve a bôte bia be be bi ne mbunane wua. (1 Becorinthien 7:39) Atiñe te da so Kalate Zambe, a da wume mbamba bibuma e be bôte ba tôñe de. Éve’an é ne na, mbu 2010, kalate mefoé éziñ a fas ajô meluk a mame ya menda me bôt a nga jô na: “Melu’u nnôm ba ngal be bili ñyebe wua a mbunane wua” me ne ngul, a élat é ne zañe jap é ne ngul a dañe melu’u mevok. *

Ve Bengaa be Yéhôva be nji ye’ele bibu’a biap na, bia yiane tyam aluk amu môt ba be be be ne nlu’an a nji bo Ngaa. Kalate Zambe a jô na: “Nge monyañ éziñ a bili minga a ne te buni, a minga ate a me’ete tabe be nye, nnôm a bo’o te kôlô be nye. A minga, nyô a bili nnôm a ne te buni, a nnôm ate a me’ete tabe be nye, minga ate a bo’o te kôlô be nnôme wé.” (1 Becorinthien 7:12, 13) Bengaa be Yéhôva ba tôñe melebe mete.

^ É.N. 17 Lañe Histoire de la civilisation, « César et le Christ », trad. J. Marty, Lausanne, Rencontre, vol. III, 1963, afebe 320.

^ É.N. 18 Lañe fe ntyi’an nda mejô é nga nyoñ a lat a ajô da fombô Bengaa be Yéhôva ya Moscou a bôte bevok c. Russie, mefebe 26-27, abeñe 111.

^ É.N. 20 Lañe fe Journal of Marriage and Family, vol. 72, n4, (Ngone mwome ya mbu 2010), afebe 963.