TATA TERTIB Skur ḇefararur ro tata tertib sya fa sisaramper Au. Waso pyum akurfasnai sena faro moḇ rwir oto Beja, moḇ sisun ma sisae, fasasos moḇ kankain faro snonggaku ḇesesya, ma roi ḇesena.

ḆAḆEBAPTIS Sfasos kwar moḇ kankain ro ḇarpon faro ḇemarisen ḇebaptis sya. Ḇemarisen ḇebaptis sya fandun fa skain kwar ro moḇ sfasos faro si rofyor sawos ḇaim faya ḇaḇebaptis ro ras Sabtu arwo ya. Oser-oser iswarepen fa dun handuk ma sansun ḇemnis fa ḇyuk sadwer i.

FARSARSER Sisasyar kumpan nabor fa sḇukifasos moḇ kwain ro na, robebor faro rakrok na, robebor faro fasasnai vidio na, ma fararur ḇesena insama munara ine naser marasrisen ma nafnoḇek ko fa kofanam syadi faro Yahwe I. Farsarser kumpan buk kuker sne ḇesiper, naksaramper kumpan sisasyar kwar na, ma nesaramper fararur ḇesren ro supswan ine ḇesiper. Srir rosaser fa sḇuk farsarser kumpan ro aidoram ya kwar insama napyan fa buk farsarser. Sesyowi kaku farsarser kumpan Bena. Raryur Naek Ḇefarkin sya simarisen sikofen kasumasa kukro waksaramper fandun Karajan kuker sne ḇemarisen.

P3K Waswarepen, sfasos roi ine faro snonggaku ḇeduf kaku monda.

ROBEBOR ḆEBYOR MA SISROW NA Robebor rosai monda sisrow na, ipyum fa sun na ḇe moḇ ine. Robebor Bena naisya ḇa ido, rwama ḇe moḇ ine ma wakofenḇair robebor rosai swewar ya. Wasrow romawa ḇesasewar sinan sesya ido, fandun fa wun i ḇe moḇ ine. Mboi waswarepen insama nafnai awer fa kawasa sya skandor. Mamwarek romawa Bansi insama sisya skainus Au.

MOḆ KANKAIN Ipyum fa ḇesyowi snonggaku ḇesesya. Waswarepen insama fasos moḇ kankain monda faro snonggaku ḇeḇarek kuker Au ro rum oser, ḇaido ḇefarkor Refo kuker Au. Rwir awer robebor ro moḇ na kwain ro na ḇa.

ḆEMARISEN ḆEFNOḆEK Wamarisen wakfnoḇek ro fararur faro munara sarawrow ine ido, rwa wakofenḇair ḇeri ḇe naek ḇefararur ro moḇ ine.

Farkarkor faro Manḇaryas Karajan Sor perintis ḇena umur taun ri 23 isof ro 65 ḇemarisen ḇefarmyan syadi wer fa sakso ro fananjur faro ḇemarisen ḇeyakso ro Farkarkor faro Manḇaryas Karajan ro ras Minggu mandira. Nari sikofenḇair moḇ ma oras ya.