“Nyambe . . . a’ sas gwiiha gwobisôna i mis map, nyemb y’a ba ha bé, to maéya, to nlondok, to njôghe bi ga ba ha bé.”.”​—Masoola 21:3, 4, Ngobol mbok yondo.

Bikwo bi nkaa le mandutu més ma nlôl bé ni Djob.​—Yakôbô 1:13.

Hogbe le Djob a nôgda njiiha yés ngéda di nsiida.​—Sakaria 2:8.

Botñem le mandutu momasôna ma ga mal.​—Tjémbi 37:9-11.

Ñ di nla, inyu manjom to ima:

• Djob a ñoo mandutu ni ngitelepsép. Ngéda Bibel i tilbana, hoñol kii Yéhôva Djob a bé nôgda ngéda litén jé li bé son njonok inyu ndéénga ba bé kôs. Bibel i nkal le a bé nok njôghe lakii “bôt ba bé tééñga bo, ba kébék ki bo mbai.”—Bakéés 2:18.

  Djob a mpidbe bôt ba mboñ bape béba. Kii héga, Bibel i nkal le “moo ma nkôp matjél ma mut nu a yé nginsohi” ma nsuñgaha nye ñem.​—Bingéngén 6:16, 17.

• Djob a ntôñ ni hi wada wés. Bôt ba binam ba ta bé botama i yi hi mut “kon wé ni njôghe yé.” Yak Yéhôva a nyi mo!​—2 Miñañ 6:29, 30.

  Ni njel Ane yé, ndég ngéda Yéhôva a’ mélés mandutu ma hiki mut. (Matéô 6:9, 10) Ndi hanano, ni liyômba, a nlédés miñem mi bet ba nyéñ nye ni maliga.​—Minson mi baôma 17:27; 2 Korintô 1:3, 4.