Nyambe . . . a’ sas gwiiha gwobisôna i mis map; nyemb y’a ba ha bé, to maéya, to nlondok, to njôghe bi ga ba ha bé. Minlômbi mi mam mi mal tagbe.”​—Masoola 21:3, 4, Ngobol mbok yondo.

Nson u u yé nseñ u yônhak ki njômbi ñem.​—Yésaya 65:21-23.

Makon ni mandutu mo ki mo m’a ba ha bé hies.​—Yésaya 25:8; 33:24.

Niñ i maséé, i boga ni boga, i pôla lihaa ni mawanda.​—Tjémbi 37:11, 29.

Ñ di nla, inyu manjom to ima:

• Djob a gwé ngui i yônôs mbônga wé. Ikété Bibel, Yehôva Djob nyetama a nsébla le “Bayemlikok,” inyule ngui yé i gwé bé nwaa. (Masoola 15:3) Jon a nla yaga yônôs mbônga wé i héñha nkoñ ’isi wés le u lama i manjel momasôna. Ndik kiki Bibel i nkal, “Nyambe a nla boñ mam momasôna.”​—Matéô 19:26.

• Djob a gwé ngôñ i yônôs mbônga wé. Kii héga, Yéhôva a “nyamnda ni ngôñ” inyu témbna bawoga i niñ.​—Hiôb 14:14, 15.

  Bibel i ñunda ki le Yésu, Man nu Djob, a bi mélés bakokon. Inyuki a neebe i boñ hala? Inyule a bé gwés hala. (Markô 1:40, 41) Yésu a bi tibil yaga kôna libak li Isañ, jon a bééna ngôñ i hõla bôt ba bé nheleg.​—Yôhanes 14:9.

  Jon di nyi ntiig le Yéhôva bo Yésu ba nyéñ hôla bés le di bana bilôl bi maséé!​—Tjémbi 72:12-14; 145:16; 2 Pétrô 3:9.