Tetujon Tuhan apanga makejang manusané idup luung di guminé. Ida ngaé gumi lan isiné krana Ida sayang tekéning manusa. Tusing buin makelo, Ida lakar ngemaang masa depan ané luungan tekén manusané. Ida lakar ngilangang makejang ané ngranaang manusané kéweh.​—Baca Nabi Yeremia 29:⁠11.

Tusing ada pamréntahan ané bisa ngilangang kekerasan, penyakit, lan kematian. Sakéwala, ada orti luung. Tusing makelo buin, Ida lakar nganti makejang pamréntahan manusané nganggé pamréntahan Ida. Rakyatné lakar ngrasayang damé lan seger oger.​—Baca Nabi Yesaya 25:8; 33:24; Nabi Daniel 2:⁠44.

Sasubané Ida ngilangang manusané ané jaat uli guminé, pakéwehé suba tusing ada. (Nabi Sepanya 2:⁠3) Buin pidan ento? Jamané jani ané kéweh suba katulis di Cakepan Suciné. Ené nunjukang Ida lakar énggal nulungin.​—Baca 2 Timotius 3:​1-5.

Iraga perlu malajah indik Tuhan uli Cakepan Suci. Bukuné ené cara pebesen uli bapa ané sayang tekén pianakné. Cakepan Suci ngajahin kénkén carané apang idup iraga jani ngeluungang lan kénkén carané ngalih idup ané langgeng di masa ané lakar teka. Sakéwala, bisa dogén ada anak ané tusing demen ningalin iraga malajah. Yén ento dingehang, iraga bisa buung maan idup ané langgeng.​—Baca Matius 5:​10, 11; Wahyu 14:​6, 7.