Biblia liyiñasa, ewjjtʼanakaparjam sarnaqañas kunjamsa yaqhepar yanaptʼatayna uk uñjañäni.

Fiona sat warmejj akham siwa: “Jichhajj jukʼamp sumaw jakasjjta. Amuyujansa, chuymajansa sumakiw jikjjatasjjta. Jukʼamp kusisitaw jakasirakta” sasa.

Elena sat warmejj akham sarakiwa: “Biblia estudiañajj mä amtampi jakasiñatakiw yanaptʼitu” sasa.

Andrew sat chachajj akham sarakiwa: “Nayrat sipans jukʼamp sumaw jakasjjta, jukʼakwa trabaj-jjta, antisas familiajampïñatakiw jukʼamp tiempo apsusta” sasa.

Ukajj mä qhawqha experiencianakakiwa. Cheqas aka oraqpachanjja, walja jaqenakaw ‘Biblian ewjjtʼanakapajj wali yanaptʼkiriwa’ sasin sapjje.

¿Kunjamsa Bibliajj akanakan yanaptʼistaspa?

• Usunakat jarkʼaqasiñataki

• Kusisitäñataki

• Familiampi amigonakampi sum apasiñataki

• Qollq amuyump apnaqañataki

• Diosamp sum apasiñataki

Akjjar jutki uka yatichäwinakaw Bibliajj jan aleq sagrado librokïtapa, antisas jakäwisan wali yanaptʼir librötap uñachtʼayistani.