Sum liytʼañataki yatichañataki chʼamachasiñäni

Aka folletojj sum liytʼañataki, parlañataki ukat yatichañatakiw yanaptʼistani.

Oraqpachan Jilïr Irpirinakan qellqanitapa

Kuntï yatiytan ukajja, janipuniw nayrajj aka oraqen yatiyaskänti.

LECCIÓN 1

Suma arunakamp qalltaña

Parlañ qalltkäta ukhajja, aka kimsa yanaptʼanakatwa amtasiñama: jukʼamp yatiñ munapjjañapatakiw parltʼañama, kuna toqetsa parlañ munta ukajj qhanäñapawa, kunatsa uka toqet parlañajj wakisi ukajj qhanaw amuyasiñaparaki.

LECCIÓN 2

Kunjamtï parlasktan ukham parltʼaña

Kunjamtï sapür parlasktan ukham parltʼäta ukhajja, istʼirinakajj kuntï siskäta uk sumwa istʼapjjani.

LECCIÓN 3

Jisktʼanakamp yatichaña

Kuna toqettï parlkäta uka toqet jaqenakan yatiñ munapjjañapatakejja, wali amuyumpiw jisktʼañama. Ukat jupanakamp sum amuytʼañatakisa, wakiskir yatichäwinak qhanstayañatakis jisktʼañamarakiwa.

LECCIÓN 4

Janïr mä texto liytʼkasajj sum qhanañchtʼaña

Istʼirinakan jukʼamp yatiñ munapjjañapatakejja, janïr mä texto liytʼkasajj kuna arunaksa arsüta ukwa amuytʼañama.

LECCIÓN 5

Jan pantjasis liytʼaña

Jehová Diosan arunakap sum liytʼañatakejja, kunjam qellqatäkitï ukhamwa liytʼañama, janiw arunak yaptʼañamäkiti ni apaqañamäkisa.

LECCIÓN 6

Textonak sum qhanañchaña

Istʼirinakarojja, kunjamsa liytʼkta uka textojj arstʼäwimar yanaptʼi ukwa amuytʼayañama.

LECCIÓN 7

Kunatï cheqäki ukak yatichaña

Istʼirinakan sum amuyapjjañapatakejja, confiykañ qellqatanakatwa yatichañama.

LECCIÓN 8

Uñachtʼäwinakampi yatichaña

Wakiskir puntonak yatichañatakisa, istʼirinakan jukʼamp yatiñ munapjjañapatakisa, fácil amuykañ uñachtʼäwinakampiw yatichañama.

LECCIÓN 9

Fotonakampi videonakamp sum yatichaña

Wakiskir yatichäwinak amuyapjjañapatakisa, amtapjjañapatakis fotonakampi jan ukajj yaqha ukhamanakampiw istʼirinakar yatichañama.

LECCIÓN 10

Modulación

Kuntï yatichañ munkta uk istʼirinakan amuyapjjañapatakisa, chuymar purtʼañapatakisa janiw mä igualak parlañamäkiti, jan ukasti jachʼata, jiskʼata, ratuki, kʼachata ukhamwa parlañama.

LECCIÓN 11

Wali ganasamp parltʼaña

Taqe chuyma parlasajja, kuna toqettï parlaskta ukajj qhawqha wakiskirisa ukwa uñachtʼayäta. Ukham parlasajja, istʼirinakan jukʼamp yatiñ munapjjañapatakiw yanaptʼarakïta.

LECCIÓN 12

Mayninakat sinttʼasis munasiñamp parltʼaña

Taqe chuyma parlkäta ukhajja, istʼirinakajj jupanakar yanaptʼañ munatamwa amuyapjjani.

LECCIÓN 13

Kunanakas yanaptʼaspa uk qhanstayaña

Kuntï yatichkta ukajj kunjamsa sapa maynirojj yanaptʼaspa, ukat kunjamsa ukarjam sarnaqapjjaspa uk amuyapjjañapatakiw istʼirinakar yanaptʼañama.

LECCIÓN 14

Wakiskir puntonak qhanstayaña

Arstʼäwim sum istʼapjjañapatakiw istʼirinakar yanaptʼañama. Parlkäta uka wakiskir yatichäwinakajj kunjamsa arstʼkäta ukar yanaptʼi, ukat kunatsa uka toqet arstʼäta ukajj qhanäñapawa.

LECCIÓN 15

Jan pächasis parltʼaña

Jan pächasisaw parltʼañama. Kuntï yatichkta ukajj wali wakiskirïtapwa uñachtʼayañama.

LECCIÓN 16

Chʼamañchtʼkir parlaña

Kuna jan walinakas pasaski ukanakat parlañat sipansa, kunanakas istʼirinakarojj yanaptʼaspa, chʼamañchtʼaspa ukanakatwa parlañama. Biblian chuymachtʼir arunakaparjamaw parlañamaraki.

LECCIÓN 17

Entiendkañ parlaña

Kuntï siskta uk amuyapjjañapatakiw istʼirinakar yanaptʼañama. Wakiskir yatichäwinaksa sumwa qhanañchañamaraki.

LECCIÓN 18

Kuntï yatichkäta ukajj yanaptʼkirïñapawa

Istʼirinakarojj lupʼipjjañapatakiw yanaptʼañama, kunatï jupanakar yanaptʼkaspa ukwa yatichañama.

LECCIÓN 19

Chuymar purtʼaña

Jehová Diosaru, jaqe masiparu, Biblian yatichäwinakapar munasipjjañapatakiw istʼirinakar yanaptʼañama.

LECCIÓN 20

Sum tuktʼayaña

Qhep qhepa arunakamajja, kuna toqettï parlawaykta ukar iyawsapjjañapataki ukat ukarjam sarnaqapjjañapatakiw istʼirinakar chʼamañchtʼañapa.

Nayrar sartataja

Kunjamsa suma liytʼirïñataki ukat yatichirïñataki chʼamachasiskta uk qellqtʼasim.

Akanakajj inas gustarakiristam

VIDEO SERIES