ACOMODADORES. Acomodadores dzake kuendaʼ gonke lueʼ yodarhe. Bdanianalo len lheke, bzenaga tan yeeke lueʼ, kanho gaʼ kuekilo carro kioʼ, gaʼ teloʼ, bala silla waka gzagalho len yezikala ta ineke.

BAUTISMO. Lawete chi nozagake silla ki beneʼ gonke bautismo sábado, chi rhala rheelo gaʼ nozagake nan siʼ solho discurso ki bautismo, kan rhala gualo to toalla len gakolho xhalo nakalaze.

DONACIÓN. Domiʼ rgonkenechhin naʼ gata silla kuerha, sonido len gaté video kan yezikarhe ta rkin, na sirha banheza asambleani len suarha gago len Jeobá. Domiʼ rzanelo doyikiajdolachhilo rhon yodarhe naʼ gaxhaj diarha ten, tankaʼ nozoke caja ga koolho ta rhalaj yikiajlolaxhdolho, Cheʼ seke kioʼ waka iselalo domiʼ lo donate.jw.org. Rhonato xhlenlo tan nakalho yalajlachhi. Cuerpo Gobernante rheenkene gonake xhlenlo tan rdanianalho yelarnhebeʼ ki Dios.

PRIMEROS AUXILIOS Departamentoni naka zelozi katiʼ rhaka to guidzawe kakuendazi.

TA NANITI. Katiʼ yedzelelo ta bsnitike yajsan lo departamento ga rheziike ta naniti. Lezekan chen bi chi bsnitilo guiaj lo departamentoni. Leksikan lo departamentoni rhala dzajsanlo bindoʼ nanitikabi. Departamentoni bi naka ga ryoke bindoʼ tankaʼ benklen gzua kuenda ka bindoʼ kioʼ batatheze naʼ kan bi kilajlo chhin kieke.

SILLA. Rnabato kioʼ gonloʼ kuenda yezikala beneʼ. Waka gzagalo silla ga kueʼ beneʼ zake len lueʼ, zuake lichhiloʼ o rseedike len lueʼ Biblia. Rnabato kioʼ chen bi no kue lo silla bibi gchhialo lawenaʼ.

CHEN RHENLO GDANIANALO. Chen rheenlo gdanianaalo chhinna gaka lo asambleani, waka tzeajlo lo departamentoni kuendaʼ ineke nogaʼ len nobi gonloʼ.

Ta nopaaʼ Cuerpo Gobernante ki testigos ki Jeobá