Jeová * Deus kuá umuñhãwaá mendarisá. Bíblia umbeu Deus umuñhã yepesá kuñhã asuí umeẽ apigá supé. Adão upitá surí retana asuí umbeu: “Aé usemu se pira suí.” (Gênesis 2:22, 23) Jeová uputari umendariwaitá ta uikú arama surí.

Mairamé remendari, amuramé remanduári pañhe maã usú upitá puranga. Ma até umendariwaitá ta uyugustariwaá ta usasá iwasuwaá rupí. (1 Korintowaraitá 7:28) Kuá papera urikú Bíblia conselhoitá uajudari arama ne mendarisá asuí ne anamaitá ta uikú arama surí. — Salmo 19:8-11.

MAÃ BÍBLIA UMBEU: Mena umundú ianama resé. — Efezowaraitá 5:23.

Jeová umundú apigaitá ta umuñhakunta arama ta rimirikú gustarisá irum. (1 Pedro 3:7) Aé umuñhã kuñhã uajudari arama imena asuí uputari mena usaisú aé. (Gênesis 2:18) Mena urikuté umuñhã pañhe maã ximirikú rupí usaisú resewara aé. — Efezowaraitá 5:25-29.

Jeová umundú kuñhãitá ta urespeitari arama ta mena asuí ta uajudari aintá ta usendú arama Jeová umbeuwaá. (1 Korintowaraitá 11:3; Efezowaraitá 5:33) Reapoiari ne mena ne piá suí. (Kolosowaraitá 3:18) Jeová asuí ne mena ta uvalorizari retana remuñhã ramé kuayé. — 1 Pedro 3:1-6.

MAÃ REPODERI REMUÑHÃ:

• Repurandú ne mena u ne rimirikú suí mayé repoderi repitá yepé mira puranga piri pe mendarisá upé. Resendú ne piá suí maã aé umbeu asuí resikari remuñhã mayeté umbeuwaá.

• Rerikú paciência. Amuramé usú urasú tempo peyumbué arama peyumusurí.

MAÃ BÍBLIA UMBEU: Resikari rekuá maã ne mena u ne rimirikú uprecisariwaá. (Filipowaraitá 2:3, 4) Revalorizari aé. Jeová upurandú ti arama yané piaíwa ne awá irum. (2 Timóteo 2:24) Remanduári puranga mayé resú rembeu ñhãsé Bíblia umbeu “aikué ñheenga umuperewawaá mayé yepé espada, ma ñheenga purangawaitá umupusanga.” (Provérbios 12:18) Jeová espírito usú uajudari rekuntari arama puranga asuí saisusá irum. — Galasiawaraitá 5:22, 23; Kolosowaraitá 4:6.

MAÃ REPODERI REMUÑHÃ:

• Rekuntari rundé yepé maã importantewaá resé, repurandú Jeová ajuda ti arama ne piaíwa.

• Remanduári puranga maã asuí mayé resú rekuntari.

MAÃ BÍBLIA UMBEU: Remendari ramé pepitá ‘yepéñhũwaá yaweté’. (Mateu 19:5) Ma amuramé pesú pemanduári amurupité amú suí. Yawé arama, peprecisari pemanduári yepewasú pe piá upé. (Filipowaraitá 2:2) Importante retana pemanduári yepewasú peparawakawaá upé. Bíblia umbeu: “ta uyukuntari ramé, ta usú ta ukuá ta umuñhã puranga maã ta uputariwaá.” (Provérbios 20:18) Pesikari maã Bíblia umbeu mairamé peparawaka yepé maã importantewaá. — Provérbios 8:32, 33.

MAÃ REPODERI REMUÑHÃ:

• Rekuntari mayé reyusaã ne mena u ne rimirikú irum.

• Reparawaka rundé yepé maã, repurandú maã ne mena u ne rimirikú umanduári kuá resé.