ქო, იეჰოვაშ მოწმეეფ ღებულენა მედიკამენტეფს დო სამედიცინო დახმარებას. ჩქი მიკვოჯინეთ დუც, ნამდა მიღუდან ჯგირ ჯამრთელობა დო საჭირო დროს ექიმშა ხოლო მევურთ (ლუკა 5:31). პირველ საუკუნეს მახორუ ქრისტეშ მოწაფე ლუკაცალო, ნამთინე იეჰოვაშ მოწმე ხოლო ექიმ რე (კოლოსელები 4:14).

 ნამთინე მკურნალობაშ მეთოდ ოწინააღმდეგ ბიბლიურ პრინციპეფს, ათეშენ თინა ჩქინო მიუღებელ რე. მაგალთო, ჩქი ვეგნიბუნთ ზისხირს, მუშენდა ბიბლია ვარიას იჩიებ ზისხირიშ მეღებაშე (საქმეები 15:20). თეს გეძინელ, ბიბლია ვარიას იჩიებ მკურნალობაშ თიცალ მეთოდეფიშ გიმორნაფაშე, ნამუთ დაკავშირებულ რე ოკულტიზმწკუმა (გალატელები 5:19—21).

 მარა მკურნალობაშ მეთოდეფიშ უმენტაშ ვაწინააღმდეგ ბიბლიურ პრინციპეფს. თაშ ნამდა, პირადო შეილებ გეგშაგორე მკურნალობაშ მეთოდ. ართ იეჰოვაშ მოწმექ შილებე გეგშაგორას ნამდგაინ მკურნალობაშ მეთოდ ვარდა წამალ, მარა მაჟიაქ ვარია ქოთქუას თიშე (გალატელები 6:5).