იეჰოვაშ მოწმეეფს ღორონთიშ დო მოყვასიშ ჸოროფა აღძრენა, სახიოლო ამბე გეგნოჩან დო კინ ქიმიაკითხუან თინეფს, მიდგას ვაკო მორჩქილა (მათ.ე22:37—39). ღორონთიშ ჸოროფათ, მოწმეეფ ომორჩილნა იესოშ მითითებას, ნამდა დამოწმან საფუძვლიანო (საქმეები 10:42; 1 იოანე 5:3). ათეშენ ჩქი ხვალე ართშა ვარინ, მუსხირენშა მივაკითხანთ კათას, მუჭოთ თეს ჯვეშ დროს მახორუ ღორონთიშ წინასწარმეტყველეფ ორთუდეს (იერემია 25:4). ჩქი მიჸორა მოყვას, ათეშენ ირნერო ვოცადუთ, თინეფს ღორონთიშ სამეფოშ გურშენ რსხებაშ მუმაღალარ სახიოლო ამბე გეგნოფჩათ. თინეფ შქას თიცალეფს ხოლო ვუქადაგუთ, მიდგაქ პირველო მეკითხირიშ დროს ვედეინტერესეს სახიოლო ამბეთ (მათე 24:14).

 ხშირას ჸოფე თიცალ შემთხვევა, მუჟამსით თი ტერტორიას, სოდეთ დუდშე ვემირჩქილუეს სახიოლო ამბე, შხვა დროს ქიმეფრთითინ, ქობძირით თიცალ კათა, მიდგაქ დეინტერეს სახიოლო ამბეთ. ქობძირათ, მუ სუმ მიზეზით ხვადუ თენა:

•   ხალხ ოცხოვრებელს ითირანს.

•   ოჯახიშ შხვა წევრეფ ირჩქილუაფნა სახიოლო ამბეს.

•   ხალხ ითირუ. ნამთინეწკუმა მსოფლიოს მოხვალამირ მოვლენეფ ვარდა პირად მდგომარეობაშ თირუაქ თეშ იმოქმედ, ნამდა „სულიერს მოჸუმენაფილეფო“ გინირთეს დო დეინტერესეს ბიბლიურ ცნობათ (მათე 5:3). თინეფს ხოლო მით ადრე, მოწინაღმდეგეეფ რდეს, შილებე დათირან გურიშ მდგომარეობაქ, მუჭოთ თექ პავლე მოციქულიშ შემთხვევას მოხვად (1 ტიმოთე 1:13).

მუშო ოკო რაგად, ჩქი ვა ვანძალენთ მითინს, ქიმირჩქილუან სახიოლო ამბე (1 პეტრე 3:15). ჩქი მარჩქილენა, ნამდა თითოულ პიროვნებაქ მუშით ოკო გინოჭყვიდას, რელიგიაწკუმა დაკავშირებულ საკითხეფ (კანონი 30:19, 20).