დუდ 46

მუშენ რე საჭირო მეძღვინუა დო ნათუა?

რჩქილა

თქვა დუდის მეუძღვინენთ იეჰოვას, მუჟამსით ლოცვას პირობას ქიმეჩანთ, ნამდა ხვალე თის ემსახურებუთ დო თიშ ნებას ცხოვრებას პირველ ადგილს ქიგიორინუანთ (ფსალმუნი 40:8). თეშ უკულ, დინათუთ, მუდგათ შხვეფს ქაძირანთ, ნამდა დუდ მეუძღვინით იეჰოვას. თენა არძაშ უმოს მნიშვნელოვან გადაწყვეტილება იჸუაფ თქვან ცხოვრებას. მუქ შილებე გინგოჭყვიდირაფუან, თეცალ სერიოზულ გადაწყვეტილებაშ მეღება, ნამუთ თქვან ცხოვრებას დოთირანს?

1. მუ გინაჭყვიდირაფუანს პიროვნებას მეძღვინუას?

ჸოროფა გინმოჭყვიდირაფუანა, დუდ მევუძღვინათ იეჰოვას (1 იოანე 4:10, 19). ბიბლია მირაგადნა: „გიჸორდას იეჰოვა, სქან ღორონთ, მთელ გურით, მთელ შურით, მთელ გონებათ დო მთელ ძალათ“ (მარკოზი 12:30). ღორონთიშ ჸოროფას ხვალე ჩქინ სიტყვეფით ვარინ, საქმეეფით ხოლო ვოძირანთ. წყვილ, მიდგას ართიან უჸორს, იქორწინებ, თეშნერო, იეჰოვაშ ჸოროფა ჩქი ხოლო აღბძრენა, დუდ მევუძღვინათ თის დო დიბნათათ.

2. მუ კურთხევეფს ოპირ იეჰოვა მუშ ნათილ მოწმეეფს?

ნათუაშ უკულ თქვა იეჰოვაშ ბედნერ ოჯახიშ წევრო გინირთუთ; ბრელნერო გეგმოცადუნთ თიშ ჸოროფას დო ხოლო უმოსო დეახლოებუთ თის (წეკითხით მალაქიაშ 3:16—18). იეჰოვა თქვან მუმა იჸუაფ დო თეწკუმა ართო, მთელ მსოფლიოს გაჸვენუნა და დო ჯიმალეფიშ სულიერ ოჯახ, მიდგას უჸორს იეჰოვა დო უჸორთ თქვა ხოლო (წეკითხით მარკოზიშ 10:29, 30). მუშო ოკო რაგად, ნათუაშახ მუდგარენ ნაბიჯეფ ოკო გინოდგათ; ოკო დიგურუათ იეჰოვაშ გურშენ, ქიჸოროფუათ თინა დო თიშ სქუაშ მიმართ რწმენა გავითარათ. საბოლათ, თქვან ცხოვრებას მეუძღვინენთ იეჰოვას. თე ირფელს გაკეთენთ დო უკულ დინათუთ-და, შეგალებენა მარადიულო გეხარათ ცხოვრებათ. ღორონთიშ სიტყვა იჩიებ: „ნათუა ხოლო . . . ომსახურ თქვან რსხებას“ (1 პეტრე 3:21).

ქიგეგით უმოს

ქიგეგით, მუშენ რე მნიშვნელოვან, დუდ მეუძღვინათ იეჰოვას დო დინათათ.

3. არძაქ ოკო გინობჭყვიდათ, მის ვემსახურებუთ

ჯვეშო ისრაელს ნამთინეს მიორჩქუდ, ნამდა შეულებუდ ქოთ იეჰოვას დო ქოთ ტყურა ღორონთის, ბაალს, ემსახურკო. მარა თინეფშა თე არასწორ შეხედულებაშ ოთირალო, იეჰოვაქ წინასწარმეტყველ ელია გოუტუ. წეკითხით 1 მეფეეფიშ 18:21 დო უკულ გარჩით თუდო მოჩამილ კითხვა:

მუ აფდეს ისრაელეფს გინაჭყვიდირალ?

ისრაელეფცალო, ჩქი ხოლო ოკო გინობჭყვიდათ, მის ვემსახურებუთ. წეკითხით ლუკაშ 16:13 დო უკულ გარჩით თუდო მოჩამილ კითხვეფ:

მუშენ ვეშემლებნა ვემსახურათ ქოთ იეჰოვას დო ქოთ შხვა მიდგარენს ვარდა მუდგარენს?
მუჭო ვოძირანთ იეჰოვას, ნამდა თიშ მსახურება გიშებგორით?

4. იფიქრით იეჰოვაშ ჸოროფაშე

იეჰოვაქ ბრელ ძვირფას ძღვინ მუჩეს. ჩქი მუშ მეჩამა შემლებნა თიშა? ქოძირით ვიდეო.

ვიდეო: „ქიმეჩით თქვან ძღვინ ღორონთის“ (3:04)

მუ მხარეეფით გოძირეს იეჰოვაქ ჸოროფა? წეკითხით ფსალმუნიშ 104:14, 15 დო 1 იოანეშ 4:9, 10 დო უკულ გარჩით თუდო მოჩამილ კითხვეფ:

იეჰოვაშ მოჩამილ ნამ ძღვინეფიშ გურშენ რეთ განსაკუთრებულო მარდულ?
მუჭო მოქმედენს თე ძღვინეფ იეჰოვაწკუმა თქვან დამოკიდებულებაშა?

მუჟამსით თიცალ საჩუქარს ბღებულენთ, ნამუთ მანგარო მობწონა, მოკონა, თი პიროვნებაშ მარდულობა გიმიფრჩქინათ, მიდგაქ თინა მაჩუქეს. წეკითხით კანონიშ 16:17 დო უკულ გარჩით თუდო მოჩამილ კითხვა:

მუშ კეთებაშ სურვილ გირჩქინდუნა იეჰოვაშო, მუჟამსით თი ირფელშე ფიქრენთ, მუთ თიქ თქვანო აკეთ?

5. მეძღვინუას ბრელ კურთხევა მოჸუნს

ბრელ ადამიანს ჯერს, ნამდა სახელ, კარიერა დო ფარა თინეფს ბედნერობას მოუღანს. მარა მართალო თაშ ხვადუნო თენა? ქოძირით ვიდეო დო უკულ გარჩით თუდო მოჩამილ კითხვეფ:

ვიდეო: „ფეხბურთ ჩქიმო ირფელ რდჷ“ (5:45)

თიშ უმკუჯინუო, ნამდა თე სპორტსმენს მანგარო უჸორდჷ ფეხბურთ, მუშენ მიოტუ თიქ მუშ კარიერა?
თიქ გინოჭყვიდ, დუდ ფეხბურთის ვარინ იეჰოვას მეუძღვინკო. მუჭო ფიქრენთ, სწორ გადაწყვეტილება მიღუო თიქ დო მუშენ ფიქრენთ თაშ?

პავლე ქრისტიანო გინორთაშახ, კარიერაშ ენწყუალას ოცადუდ. თინა ებრაულ კანონეფს ცნობილ მასწავლებერწკუმა გურაფლენდჷ, მარა ირფელშე ვარია ქოთქუ, მუშენდა ქრისტიანო გინორთენდკო. ნარღენდუო პავლე მუთუნს? წეკითხით ფილიპელეფიშ 3:8 დო უკულ გარჩით თუდო მოჩამილ კითხვეფ:

მუშენ თქუ პავლექ, ნამდა ირფელ, მუთ ქრისტიანო გინორთაშახ უკეთებ, „დიდ გვამ“ რდჷ?
მუ მიღჷ თიქ თე ირფელიშ მანგიორო?
თქვან აზრით, მუ მოიღანა ბედნერობას — იეჰოვაშ მსახურება დოვარ შხვა მუდგარენიშ კეთება?

მუჟამსით პავლექ ქრისტიანო გინირთჷ, თიშე ბრელით უმოს მიღჷ, ვინემ დათმჷ

ნამთინექ შილებე თქუას: „Მუ აუცილებერ რე ღორონთშა დუდიშ მეძღვინუა დო ნათუა?! ონდო ცხოვრენქ დუდის ოკო ასიამოვნე“.

მუშენ ფიქრენთ, ნამდა იეჰოვაშა დუდიშ მეძღვინუა მნიშვნელოვან რე?

დასკვნა

ჸოროფა აღბძრენა, დუდ მევუძღვინათ იეჰოვას დო დიბნათათ.

გამეორებელ კითხვეფ

მუშენ იმსახურენს იეჰოვა, მთელ გურით მიჸორდან დო ვომსახურდათ თის?
მუჭო აჯილდოენს იეჰოვა მუშ ნათილ მოწმეეფს?
ქოიღნანო სურვილ დუდ მეუძღვინათ იეჰოვას?

თე დუდიშ თებაშ თარიღ

მიზან

მუჟამსით უკულიან დუდშო მემზადებუთ, დეფიქრით, მუქ შილებე გეცილან, დუდ მეუძღვინათ იეჰოვას.

შხვა მიზან:

Your other goal

დამატებით მასალა

ქოძირით, მუშენ გინოჭყვიდეს ართ მუსიკოს დო სპორტსმენქ, დუდ მეუძღვინესკო იეჰოვას.

„ახალგაზრდეფიშ კითხვეფ — მუ შარას გიშებგორუნქ ცხოვრებას? — ულირიშ გოშინა“ (6:54))

ქიგეგით, ხოლო მუშენ ოკო მეუძღვინათ დუდ იეჰოვას.

მუშენ ოკო მეუძღვინე დუდ იეჰოვას?“ („გინაჯინალ კოშკი“ 15 იანარი, 2010 წ.)

თე მუსიკალურ ვიდეოკლიპის ქიდეკვირით, მუ ხიოლ უღნა თინეფს, მიდგაქ დუდ მეუძღვინეს იეჰოვას.

„გიძღვინენქ სიცოცხლეს“ (4:30)

ბიოგრაფიას: „ვა მოსვანჯუანდჷ თიშე ფიქრ, მუშენ ვარსებენდით“, ქიდეკვირით, მუქ აღძრჷ ართ ოსურკოჩ, დეფიქრუკო, მუ რდჷ არძაშე უმოს მნიშვნელოვან.

„ბიბლია ხალხიშ ცხოვრებას თირანს“ („გინაჯინალ კოშკი“ 1 ნოემბერი, 2012 წ.)

შილებე თექ ხოლო მიგეწონან

ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ

მუჭო იტარებ ბიბლიაშ გურაფა იეჰოვაშ მოწმეეფწკუმა ართო?

იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.

მარადიულო გეხარით ცხოვრებათ! — ქიგეგით, მუს ოგურუანს ბიბლია