6. ქადაგებაშ მასშტაბურ საქმე

„თე სახიოლო ამბეს სამეფოშ გურშენ იქადაგენა მთელ მსოფლიოს“ (მათე 24:14).

● ვაიეტა წყნარ ოკეანეშ ართ-ართ დაშორებულ კუნძულს (ტუამოტუშ არქიპელაგი) ოხორანს. ტუამოტუშ არქიპელაგშა მიშურს სოდგარენ 80 მარჯანიშ კუნძულ, ნამუთ 802900 კვადრატულ მეტრას რე გოფაჩილ. თე კუნძულეფს გვალო 16000 კოჩ ოხორანს. სიშორაშ უმკუჯინუო, იეჰოვაშ მოწმეეფქ ვაიეტ დო თიშ მეზობლეფშა ქიმერთეს. მუშენ მიქცუეს თაშ? თინეფს ოკონა ღორონთიშ სამეფოშ გურშენ სახიოლო ამბე არძაქ ქიგეგას, თიშ უმკუჯინუო, სო ცხოვრენა თინეფ.

მუს ოძირანს თე ფაქტეფ? სამეფოშ გურშენ სახიოლო ამბე დედამიწაშ არძა კუნთხუს ივრცელებ. 2010 წანას იეჰოვაშ მოწმეეფქ 236 ქიანას 1,6 მილიარდ საათშე უმოს დუთმეს სახიოლო ამბეშ ქადაგებას. თენა ნიშნენს, ნამდა თითოულ იეჰოვაშ მოწმექ დღაშ დინახალე საშუალოთ 30 წუთ იქადაგ. ულირ ვით წანაშ დინახალე თინეფქ გიშაშქვეს დო გავრცელეს 20 მილიარდშე უმოს ბიბლიაშა გერსხილ პუბლიკაცია.

გავრცელებურ შეხედულება. ანთასობით წანა რე, მუთ ხალხ ბიბლიურ ცნობას ქადაგენს.

ქორენო თე შეხედულება მართალ? ჩქი თოლ ვა მაწკურენა თი ფაქტშე, ნამდა ბიბლიურ ცნობაშ გურშენ მუდგარენ ინფორმაციას ბრელ ქადაგენდჷ. მარა უმენტაშიქ ხვალე ჭიჭე პერიოდის იქადაგ დო თინეფიშ ქადაგება მასშტაბურ ვა ჸოფე. თინეფიშ გინაწონს იეჰოვაშ მოწმეეფ მთელ მსოფლიოს ორგანიზებულო ქადაგენა დო მილიონობით კოჩის ოგებაფუანა სახიოლო ამბეს. იეჰოვაშ მოწმეეფ იშენით გაბედულო ქადაგენდეს, თიშ უმკუჯინუო, ნამდა თინეფს არძაშ უმოს ძალიერ დო სასტიკ ორგანიზაციეფ ოწინააღმდეგდეს (მარკოზი 13:13). იეჰოვაშ მოწმეეფს ქადაგებაშ გურშენ ფარა ვერზიებნა. თინეფ მუნეფიშ სურვილით გიმურთუნა მუნეფიშ დროს ადამიანეფს დო უფასოთ ავრცელენა ბიბლიურ ლიტერატურას. მთლიანობას თინეფიშ სამქადაგებლო საქმიანობა ნებაყოფლობით შესაწირავეფიშ ჭყოლოფათ ისრულებ.

თქვა მუჭო ფიქრენთ? მთელ მსოფლიოს რენო ნაქადაგებ სახიოლო ამბე? ნიშნენსო თე წინასწარმეტყველებაშ შესრულება თის, ნამდა წოხოლე მუდგარენ ჯგირ მელნა?

[სქოლიო]

უმოს მეტ ინფორმაციაშ მიოღებელო ქუჯინით სუმ ვიდეოს „განსაცდელეფიშ დროს ართგურეფ“, [ქორთ.] „იაშფერ სამკუთხედ“ [ქორთ.] დო „იეჰოვაშ მოწმეეფიშ სიმტკიცე ნაცისტურ თავდასხმაშ წოხოლე“ [ქორთ.]. გიშაშქვანა იეჰოვაშ მოწმეეფ.

[ჩანართი 9 გვერდის]

„სოიშახ იეჰოვა თეშ საშვალებას მარზენა, მთელ მონდომათ ვაგრძელენთ სამეფოშ გურშენ სახიოლო ამბეშ ქადაგებას დო ირფელს გუვაკეთენთ, ნამდა ხალხის გეგნოფჩათ თე ცნობა“ („იეჰოვაშ მოწმეეფიშ წელიწდეულ 2010 წანა“ [ქორთ.]).