MPHANTTA 1

Okhuma Mahiku a Enookhi Mpakha Okathi wa Aphuki

Mphantta ola anthokoreriwa matakihero a arumeyi a Muluku yoonihenre waamini ni olipa nrima, okhuma Enookhi mpakha profeeta Samuweeli.

Mphantta 1 Okathi Yiiranen’ye Awa

Etabela enoonihera okathi wa ekumi ya atthu anthokoreriya ni dhawiiraneya dhootepa otthuneya dha mbiibiliyani.

1 ENOOKHI

Owo Aaheetta ni Muluku

Enookhi aari oovirikana ni atthu a okathi-ye mwa inamuna piili. Waaweryanen’ye dhai? Ni elo ennihudhihani voohima dha olipa murima?

2 NOWE

Owo Aahilamula Olumwinku

Mwa enamuna seeni mahiku ala anlikana awa ni mahiku a Nowe? Moone moopora nkhanle nnyu otakiha olipa murima wa Nowe mweekumini mwinyu.

3 SAARA

Owo Aahikhootta Wuupuwelela Makhalelo Ooreera Aahin’ye iye Ottuli

Mwa inamuna seeni Saara oonihenre iye olipa murima?

4 ABRAHAAMU

Nlopwana Oopacera Owaniha Ekhotto ya Yehova

Eseeni ninhudha nhu ni wiivahererya wa Abrahaamu wiira amoopole ndhule Looti? Yehova oonenle dhai waamini ni olipa murima wa Abrahaamu?

5 ABRAHAAMU

Owo Aahimwiiwelela Muluku ata Waari Vooxankiha

Nin’ya owerya dhai otakiha olipa murima Abrahaamu oonihenre iye wiira amwiiwelele Muluku? Yawiiraneya ela ennihudhihani voohima dha moopora Yehova onnipheta iye?

6 REBEKA

Owo Aari Oolikana ene Waahiya Amudhi-ye

Rebeka aari nthiya oonihenre olipa murima mwa inamuna dhoophara murima. Eseeni nikhanle nhu ohudha ni ntakihero-ne?

7 YAKOBI

Owo Aahikhapelela Emudhi-ye Moolipa Murima

Ntakihero na Yakobi nin’ya wookhaliherani dhai woona wiira ti vamiruku wiilipihera wiira mwaakhele mareeliho a Yehova?

8 YOOSEEFI

Owo Aahikhootta Yaweeha

Moone moopora ntakihero na Yooseefi nikhanle awa wookhaliherani okhootta dhaweeha ni ovilela mixankiho.

9 SIIFARA, PUUWA, AMURAAMI, YOKEBEEDI NI MIIRIYAMU 

‘Mwaha wa Waamini Yaahimwiipithiha Moise’

Maparteera, anaan’yari-ye Moise ni nrokoriye yaahoonihera waamini ni olipa murima wuulupale. Mun’ya owerya dhai opaka etthu emodharu?

10 MOISE

Owo Aahipaka Yoothanla Yooreera

Yoothanla seeni Moise aapanke iye ni mwaha wa seeni? Ni eseeni nkhanle nnyu ohudhera ni ntakihero-ne?

11 MOISE

‘Nrowe Mwakumane ni Farawu’

Yawiiraneya ya Moise ennikhupaliha dhai odhuwela wiira Yehova onoonikhalihera vaavo ninoona nhu wiira khaninwerya waakhwanihera yoothanleliwa ninvahiwa nhu?

12 KALEEBI

Owo Khaahin’ye Okhala Oororomeleya wa Muluku

Moone moopora ntakihero na Kaleebi ninkhanle awa onikhalihera oxaka opaka etthu mwaha wa waatthara ‘atthu awaatta.’

13 YOOXUUWA

Owo Aahitthara Malakihero ata Ahaaiwasanse

Malakihero seeni yaakhala nkhama yahaavareleya nteko Yehova aanvanhe iye Yooxuuwa? Okathi seeni nikhanle nhu otthara ntakihero na Yooxuuwa?

14 RAHAABI

Owo Aahithanla Okhala Mphantta wa Yehova

Eseeni ninhudhera nhu ni etthu Rahaabi aapanke iye? Owo aareelihiwe dhai mwaha wa waamini ni olipa-we murima?

15 NOWEEMI NI RUUTI

Awo Yaanikhaliherana Okathi Wooxankiha

Mwa inamuna seeni Noweemi ni Ruuti yoonihenre awa olipa murima? Itthu seeni nihudha nhu ni natakihero-na?

16 BARAAKHI NI DEEBORA

‘Mweekhweeli Kinoorowa ni Nyuwo’

Baraakhi aahikhanyerera onvekela Deebora wiira anveleele okhottoni. Niire elo yoonihera wiira aari ookhweya aahindho aarina waamini woolipa?

17 YAYEELI

‘Nthiyana Ootepa Oreelihiwa’

Yawiiraneya ya Yayeeli enlotta voohima dha olipa murima oonihenre iye vaavo aamwiiphale iye nwanani a Yehova, nanlelo ennivareleya nteko. Seeni olelo-va nintthuneya nhu woonihera olipa murima nkhama Yayeeli oxira khalai?

18 XIDEYOONI

Owo Aari Oolipa Murima ni Aanikhalana Ephoole

Okathi seeni woonawene ontthuneya awa olipa murima ni okhalana ephoole?

19 YEFITE NI MWANE

Awo Yaahimwaakhwanihera Natiri Oovila

Ntakihero na Yefite ni mwane ninvareleya dhai nteko olelo-va?

20 SANSOONI

Owo Aahoonihera Olipa Murima ata Okathi Ahaariiyena Ikuru

Eseeni ninhudhera nhu ni itthu Sansooni aapanke iye nuumala opaka etthu yoohiloka?

21 SAMUWEELE

Owo Aahilotta Moolipa Murima Nhupi wa Yehova

Okathi seeni marapasi antthuneya awa olipa murima wiira yaakihere etthu eri yooloka?

MPHANTTA 2

Okhuma Mahiku a Mamwene Mpakha Okathi Aatthikeliwe iye Otekiwa Yerusaleemu

Mphantta ola anthokoreriwa matakihero a arumeyi a Muluku yoonihenre waamini ni olipa murima, okhuma na Yonataani mwaana a mwene Sawuli, na mwene Davidi ni wookhidherani na atthu a Muluku yaatthinke weepotthani Obabilooniya ni otthikela onteka Yerusaleemu.

Mphantta 2 Okathi Yiiranen’ye Awa

Etabela enoonihera okathi wa ekumi ya atthu anthokoreriya ni dhawiiraneya dhootepa otthuneya dha mbiibiliyani okhuma mahiku a mamwene mpakha okathi aathikeliwe iye otekiwa Yerusaleemu.

22 YONATAANI

Owo Aatthuneya Olipa Murima Wiira Akhale Oororomeleya

Yonataani aanitthuneya onthanla taani aaya iye onroromela. Eseeni yaankhalihenre opaka yoothanla yooreera? Nin’ya owerya dhai otthara ntakihero-ne?

23 DAVIDI

Owo Aahiwaniha ni Nakhotto Muulupale ni Awoopiha

Davidi aahidhuweliwa nkhama ‘nakhotto oolipa murima ni oowerya.’ Ntakihero-ne naakhalihenre dhai atthu akina? Olipa winyu murima on’ya owerya dhai waakhalihera atthu akina?

24 ABIKAYIILI

Owo Aahiphuka Nxankiho Mmodha Muulupale

Eseeni athiyana ootheliwa ni alopwana oothela anhudhera awa ni yawiiraneya ya Abikayiili?

25 DAVIDI

Owo Aahoonihera Olipa Murima Attharaka Yawuupusera ya Murima-ye

Davidi aahikhalana eparakha ya wunla ikuhu. Mwaha wa seeni owo ahaapanke iye elo? Nin’ya owerya dhai otthara ntakihero-ne?

26 NATAANI

Owo Aahinttarusa Mwene

Eseeni ntakihero na Nataani ninnihudhiha awa voohima dha moopora wa onkhalihera nxirikha nhu akhala wiira oopaka etampi yuulupale?

27 MEFIBOSEETI

Owo Khaahin’ye Mixankiho Imooceihaka

Etthu seeni dhoomaaliha ninhudhera nhu ni ntakihero na Mefiboseeti?

28 AASA

Owo Aahinrumeela Yehova ‘Mahiku Ootheene a Ekumi-Ye’

Eseeni ninhudhera nhu ni ntakihero na nlopwana yoowo aarina murima wooreera vamaithoni va Yehova?

29 ELIYA

“Muluku aka ti Yehova”

Eseeni yaankhalihenre Eliya oxira woova-we?

30 NAANKHWELI A OSAREFA

Owo Aahoonihera Omwaamini Yehova Okathi Wootepa Oxankiha

Ntakihero-ne ninnikhalihera dhai onroromela Yehova?

31 MWAAMWALI A WIISARAYEELI

Owo Aahilotta Voohima dha Muluku-ye Elapo Yaweettela

Ntakihero na mwaamwali a Wiisarayeeli pooti wookhaliherani ovaha onamoona ata moovaka.

32 ELISEEWU

‘Khoo Yehova, Ntthukule Maitho-ye‘

‘Woona’ malaikha ni maitho nhu a waamini on’ya onikhalihera dhai okhala oolipa murima?

33 YEHOYAADA

Owo Aahaakihera Omwene

Eseeni Yehoyaada aapanke iye yaavekela olipa murima? Mwa inamuna seeni nkhanle nnyu otthara ntakihero-ne mweekumini mwinyu?

34 EZEKIIYA

Owo Aahinroromela Yehova

Ezekiiya aahoonihera waamini wuulupale ni olipa murima. Nin’ya ontakiha dhai?

35 MANASE

Owo Aahoonihera Olipa Murima Wiira Attharuwe

Seeni Manase onthokoreriwa iye okhala ntakihero nooreera na olipa murima?

36 YOSIYA

Owo Aahaakhalihera Atthu Otthikela wa Yehova

Ata Yosiya aarina ekumi yooxankiha ovenya enaahima-ye, owo aahoonihera olipa murima wuulupale wiira aakihere okokhorela weekhweeli. Mwa inamuna seeni nikhanle nhu ontakiha?

37 DANIYEELI

Owo Aahilakela Ohica Itthu dha Mwiikho

Marapasi an’ya owerya dhai otakiha olipa murima ni ororomeleya wa Daniyeeli mahiku nhu ala? Eseeni ootheene nhu ninhudhera nhu ni ntakihero-ne?

38 AHEEBERI ARARU

Awo Yaahoopowa Nlittini na Mooro

Aheeberi araru yaahoonihera olipa murima, ata yoopopihiwa wiiphiwa. Ntakihero-na ninnihudhihani voohima dha okhala awiiyeviha, oomala ni oororomeleya?

39 ESTEERI

‘Wakhala Okhwa, Kinookhwa’

Esteeri aari ntthu awiiwelela ni aahipaka itthu mwa akhili. Ata amamune yaawo yaahaanrumeela Yehova, yaanidhiveliwa nuuwo. Eseeni ninhudhera nhu ni ntakihero-ne?

40 NEHEMIIYA

Owo Aahitthikela Oteka Makokoro

Ntakihero na Nehemiiya ninnihudhihani voohima dha waacerera nteko nninvarela nhu Yehova? Asitokweene an’ya otthara dhai ntakihero-ne?

MPHANTTA 3

Mahiku a Yeesu ni Atthareli-ye

Mphantta ola anthokoreriwa matakihero a arumeyi a Muluku yoonihenre waamini ni olipa nrima, okhuma na mwaamwali aahaatanke orupa ni nlopwana aaitthaniwa Mariya ni wookhidherani-wa na nrummwa Yoohaani.

Mphantta 3 Okathi Yiiranen’ye Awa

Etabela enoonihera okathi wa ekumi ya atthu anthokoreriya Mphantta 3. Nitho ennoonihera dhawiiraneya dhootepa otthuneya dha mbiibiliyani mahiku a Yeesu mpakha mahiku ookhidhera a nrummwa Yoohaani.

41 ZAKARIIYA NI ELIZABEETI

“Yaari Atthu a Xariya Vamaithoni va Muluku”

Seeni Yehova aamoona iye Zakariiya ni Elizabeeti nkhama atthu a xariya? Nin’ya owerya dhai otthaara ntakihero-na?

42 MARIYA

Owo Aahivahererya Ekumi-ye Mmatatani wa Yehova

Mariya aahaakhela yoothanleliwa yoovila ni yavameekhaaya. Owo aawenrye dhai olipa murima wiira aakhwanihere?

43 YOOSEEFE

Owo Aahikhapelela Saana Emudhi-ye

Seeni Yooseefi ori iye ntakihero nooloka wa asipaapa a olelo-va?

44 YOOHAANI MPATISA

‘Khaavo Ntthu ori Muulupalesa’

Yoohaani ari ntthu moolipa murima aakhweihenre ekumi-ye. Moone etthu nikhanle nhu ohudhera ni ntakihero-ne.

45 PHEEDURU

“Miyo ka Natampi”

Vaavo ninwananhuna dhootteettheya dhihu, ntakihero dha Pheeduru nin’ya onikhalihera dhai ohihiya onrumeela Yehova?

46 MARIYA MADALEENA

‘Koomoona Pwiya!’

Mariya aahirumeela ekumi-ye wiira ankhalihere Yeesu vamodha ni ahudheri-ye. Nin’ya owerya dhai woonihera oreera murima ni olipa murima nkhama veene?

47 MARIYA, NROKORIYE LAAZARU

‘Owo Aahipaka Aawerya Iye’

Yeesu aahinttottopela Mariya, nrokoriye Laazaru mwaha wa waamini ni olipa-we murima. Mwa inamuna seeni owo oonihenre iye olipa murima? Nin’ya ontakiha dhai?

48 ESTEEVAU

Nlopwana ‘Aarina Waamini Wuulupale ni Aadharen’ye Ikuru Dhawaarya’

Esteevau aahiphiyera ophukeliwa weiwo waakhanle onkhumihera mixankiho mweekumini-mwe. Owo aakihenre dhai waamini-we? Ntakihero-ne nin’ya onikhalihera dhai ohihiya okhala oororomeleya wa Yehova?

49 PHEEDURU

Owo Aahipakeya Nluku

Ntakihero na Pheeduru ninnikhalihera dhai onroromela Yehova vaavo ninoova nhu?

50 SAULU A OTAARSU

Owo Aahipaka Marukunuso Muulupale Mweekumini-mwe

Eseeni yaannkhalihenre Saulu orukunsa moomalela omutari ekumi-ye? Itthu seeni ninhudhera nhu ni ntakihero-ne?

51 BARNABE

Owo Aahaalipiha Atthu Akina

Barnabe moolipa murima aahinkhalihera Saulu ni aahinroiha wa arummwa. Nin’ya otakiha dhai olipa-we murima ni okhala oolikana ene waarumeela atthu akina?

52 MAARKU

‘Owo Onnikikhalihera’

Ata dhaamphwannye mixankiho dhuulupale ni onyoonyiheya, Maarku aahoonihera olipa murima ahihiyaka waarumeela ni waakhalihera anna. Itthu seeni nikhanle nhu ohudhera ni ntakihero-ne?

53 PAAULU

Owo Aahaakhalihera Atthu Okathi wa Ettheku Yuulupale

Paaulu oonihenre dhai olipa murima okathi waakhumelenle awa nxankiho waakhala nkhama khiwaarina nlipelelo? Olipa-we murima onnikhalihera dhai mahiku nhu ala?

54 NRUMMWA YOOHAANI

Owo Aahoonihera Olipa Murima Okathi Wooxankiha

Nrummwa Yoohaani khaatanke otthikela ottuli aahindho ohiya woonihera olipa murima. Nin’ya otthara dhai ntakihero-ne ni ohihiya weetta ni Muluku moolipa murima?

MOOLUMO OOKHIDHERA

Nkhale Oolipa Murima

Biibiliya ookhalana matakihero awaatta a alopwana, athiyana, marapasi ni atthu uulupale yaawo moolipa murima yaathanlale okhala mphantta wa Yehova. Dhawiiraneya-dha dhinoowerya wookhaliherani opaka etthu emodharu.

Mpuwa/Wiithela wa ekaapa