Hosea 13:1-16
13 “When Eʹphra·im talk, everywhere de shake;E dey popular for Israel.
But e sin as e worship Baʹal, and e die.
2 Now them de add to their sinAnd de use their silver make image them;Them de make idols and them sabi do-am well, all this one na the handwork of person wey sabi use hand make things.
Them de tell them say, ‘Make the men wey de do sacrifice kiss the small-small cows.’
3 So them go be like morning clouds,Like dew wey de quick dry,Like chaff wey strong breeze de blow comot from where them de separate grain from plant,Like smoke wey de come out from hole for roof.
4 But na me be Jehovah your God from* the land of Egypt;You be no know any other God except me,And apart from me, another savior no dey.
5 I be know you for wilderness, for the dry land.
6 Them chop belleful for their place them wey grass dey,Them belleful and their heart come dey proud.
And because of this one, them forget me.
7 I go be like young lion to them,Like leopard wey de hide for road side.
8 I go come ontop them like bear wey im children lost,And I go tear their chest* open.
I go chop them finish for there like lion;Wicked bush animal go tear them to pieces.
9 E go destroy you, O Israel,Because you turn against me, against person wey de help you.
10 Then, where your king dey, so that e go save you for all your cities,And where your rulers dey wey you talk about say,‘Give me king and leaders’?*
11 I vex give you king,And I go use serious vex collect-am from you.
12 Them don wrap the mistake of Eʹphra·im keep;*Them don keep im sin.
13 E go feel pain wey woman wey de born pikin de feel.
But na pikin wey no get sense e be;E no gree come out when e don reach time to born-am.
14 I go buy them back from the power of Grave;* I go collect them back from death.
O Death, where your power wey you de use cause pains?
O Grave, where your power wey you de use destroy?
Pity no go dey my eyes at all.
15 Even if e de do well among the reed plants,One east wind go come, the wind of Jehovah,E go come from desert, to dry im well and dry im place wey water de come from.
That one go pack all im better-better things from where e de keep them.
16 Sa·marʹi·a go answer for wetin e do, because e don dey against im God.
Na sword go kill them,Them go scatter their children to pieces,And them go tear the belle of their women wey get belle.”
