WHY THEM MAKE THIS BIBLE RESEARCH GUIDE

Jehovah God tell im people make them “continue to look” for understanding and sense to de reason well, just the way them de find “something wey get value wey no easy to see.” (Prov. 2:​1-5) This one mean say we go need to work hard to find answers to Bible questions wey we get for mind and to find advice wey fit guide our life. Them make this Research Guide to help you find this answers and advice.

No be all the topic wey we don discuss for our publications dey inside this Research Guide. But, each of the topic wey dey inside get reference to wetin dey our publications wey them print, the one wey dey for only jw.org, and videos. Na the latest information and other important information dey inside.

HOW TO SEARCH FOR WETIN YOU DE FIND

You fit use the topic search for wetin you de find. Them arrange the main topics from A-Z. The main topics get small-small topic, and the small topics get other small-small topic to help you see wetin you de find. For example, under DAVID (King) › WETIN WE LEARN › WORRY-WORRY, you go see wetin you fit learn about worry-worry from David example.

Another thing na say, you fit see wetin them don explain about some Bible verse under the part wey be “BIBLE PORTIONS.” Na only the Bible verse them wey them don explain dey for the list.

To know more, watch the video wey the title na How You Fit Use the “Bible Research Guide” Well for jw.org.

Remember say to find this things wey get value go take time and e fit no easy. So dey patient when you de find answer to question or advice wey you fit follow. As you de use this Research Guide more-more, you go de enjoy-am more and e go dey easy for you to find wetin you need. Jehovah go bless you as you de do your best to learn more and help you get sense and understand things.​—Prov. 2:6; 4:⁠5.